KIKILU NEWS

ឆ្នាំនេះ ទុរេនកំពតក្រដល់ និងឆាប់អស់

Date: 2:09 AM

កំពតជាខេត្តល្បីឈ្មោះខាងដំណាំទុរេន ជាយូរឆ្នាំមកហើយ ខណៈទុរេនកំពតចាប់ផ្ដើមបង្ហាញវត្តមានលើទីផ្សារ កាលពីដើមខែនេះ ហើយត្រៀមអស់ទៅវិញនៅចុងខែនេះ។

អ្នកស្រី ហឿន ជាអ្នកលក់ទុរេននៅតាមផ្លូវទៅទឹកឈូ ខាងជើងស្ពានស្នំប្រាំពីរប្រមាណ ១៥០ម៉ែត្រ បានប្រាប់ Sabay ថា វាមានពូជច្រើនប្រភេទណាស់ គឺប្រហែលជា ២០ប្រភេទឯណោះ។ តែសព្វថ្ងៃនេះទុរេនដែលគេពេញនិយមពិសាមានតែពីរប្រភេទទេ គឺពូជមុនថង និងអូវខាក។

អ្នកស្រី បានបន្ថែមថា ពូជមុនថងមានរសជាតិផ្អែមខ្លាំង និងល្មួត រីឯពូជអូវខាកផ្អែមល្មម តែវាសុទ្ធតែមានរសជាតិឆ្ងាញ់ពិសាដូចគ្នា។ ស្ត្រីចំណាស់រូបនេះ បានប្រាប់ទៀតថា រដូវទុរេន ឆ្នាំនេះ មកដល់ហើយ ហើយវានឹងអស់ទៅវិញប្រហែលចុងខែ ៦នេះ។ ចំពោះតម្លៃទុរេន បានចុះថ្លៃជាងមុន ដោយពូជមុនថង ថ្លៃ ២០ ០០០៛ ក្នុង១គីឡូក្រាម ពូជអូវខាកថ្លៃ១៨ ០០០។

ដូចគ្នាដែរអ្នកស្រី មិនា កំពុងតែដាក់លក់ទុរេននៅតាមផ្លូវទៅទឹកឈូដែរ ដែលគាត់មើលការខុសត្រូវដាក់ជីថែទាំជារៀងរាល់ថ្ងៃខ្ទង់ ១០០ដើម បានប្រាប់ថា ផ្លែទុរេន ដែលគាត់លក់ជាទុរេន កំពត បើទោះបីជាវាមានឈ្មោះជាភាសាថៃក៏ដោយ ដែលពូជ ទុរេន នាំមកពីប្រទេសថៃហើយត្រូវបានគេដាំលើទឹកដីកំពតអស់ពេលជាយូរឆ្នាំមកហើយមកទល់នឹងបច្ចុប្បន្ន។

ទុរេនដែលគាត់លក់មាន ៣ប្រភេទគឺពូជមុនថង អូវខាក ណងកិត (១២ ០០០៛)។ អ្នកស្រីលើកឡើងថា ឆ្នាំនេះ ទុរេនក្រដល់ជាងឆ្នាំមុនៗ ក៏ដោយសារតែពុំមានភ្លៀងធ្លាក់ ធ្វើឲ្យផ្លែយឺតយ៉ាវ និងទុរេនមួយចំនួនបានងាប់ដោយសារគ្មានទឹកស្រោចស្រព។

អ្នកស្រីថា ឆ្នាំមុនទុរេន ផ្លែបណ្ដាក់គ្នាតាំងពីខែមិនា-មេសា ចំពោះឆ្នាំនេះ វាចេញផ្កាផ្លែស្រុះគ្នា និងអស់ទៅវិញឆាប់ៗនេះវិញដែរ។ ឯ ទុរេន របស់គាត់វិញទើបតែដល់ប្រហែល ១សប្តាហ៍ប៉ុណ្ណោះ។ អ្នកស្រីបានពន្យល់ពីដំណាំ ទុរេននេះថា វាត្រូវការការថែទាំឲ្យបានដិតដល់ទាំងទឹក និងជី។ បើដាក់ជីស្ទើរក៏វាមិនផ្លែ ហើយវាឆាប់ផ្កាផ្លែលុះត្រាតែនៅដើមរដូវសម្បូរទឹកភ្លៀង ឬមានទឹកគ្រប់៕

អានបន្ត

ប្តូរបរិយាកាសមកជិះសេះទស្សនាភូមិអរិយក្សត្រ

Date: 1:47 AM

ចង់ទទួលបានបទពិសោធន៍ថ្មីៗក្រោយពីភាពនឿយហត់ប្រចាំថ្ងៃជាមួយដំណើរកម្សាន្តបែបធម្មជាតិមិនឆ្ងាយពីទីក្រុងភ្នំពេញប៉ុន្មាននោះទេ ថ្ងៃនេះ Sabay Der ណែនាំអ្នកឲ្យបានស្គាល់សេវាកម្មនាំលោកអ្នកជិះសេះលុកលុយក្នុងអរិយក្សត្រដែលស្ថិតនៅតាមបណ្ដោយទន្លេមេគង្គយើងតែម្ដង។ អីចឹងទំនេរពីការងារ ឬការសិក្សាអ្នកអាចសាកល្បងផ្លាស់ប្តូរការកម្សាន្តបែបធម្មជាតិស្ងប់ស្ងាត់ពីសំឡេងឡានម៉ូតូដ៏អឹងកងនៅក្នុងទីក្រុងបាន។

តម្លៃសម្រាប់ការជិះសេះកម្សាន្តក្នុងភូមិ ម្នាក់ ២៥ដុល្លារ /១ម៉ោង (បើសិនជ្រើសរើសយកដំណើរកម្សាន្តចូលទៅភូមិកាន់ជ្រៅកាត់ផ្សារ ចម្ការចេកនិងវាលស្រូវខៀវស្រងាត់) ឬក៏ម្នាក់ ៤៥ដុល្លារ/ ២ម៉ោង ឬ ម្នាក់តែ ៦០ដុល្លារ/៣ម៉ោង

ទំនាក់ទំនង៖ 070 35 77 74 (ភាសាអង់គ្លេស និងបារាំង) 096 20 21 983 (ភាសាខ្មែរ)

រូបភាព៖ Areyksat Equestrian Trail Rides’s Webpage

អត្ថបទ៖ និតា

អានបន្ត

គ្រូក្រុមជម្រើសជាតិកម្ពុជា ស្រាយចម្ងល់ ម៉េចបានប្រកួតមិត្តភាពច្រើនតែឈ្នះ ពេលប្រកួតមែនទែនមិនសូវជោគជ័យ

Date: 6:55 PM

គ្រូក្រុមជម្រើសជាតិកម្ពុជា ស្រាយចម្ងល់ ម៉េចបានប្រកួតមិត្តភាពច្រើនតែឈ្នះ ពេលប្រកួតមែនទែនមិនសូវជោគជ័យ

ក្រោយឈ្នះទីម័រខាងកើត ២ទល់នឹង០ នៃការប្រកួតមិត្តភាពអន្តរជាតិ កាលពីថ្ងៃទី ៣០ ម្សិលមិញនេះ គ្រូបង្វឹកជម្រើសជាតិកម្ពុជា លោក Lee Tae Hoon បានឆ្លើយនឹងសំនួរដែរត្រូវអ្នកសារព័ត៍មានចោទសួរថា ហេតុអ្វីការប្រកួតមិត្តភាពតែងតែឈ្នះ ចំណែកប្រកួតផ្លូវការវិញ បែជាពុំសូវទទួលបានលទ្ធផលល្អ។

គ្រូបង្វឹកសញ្ជាតិកូរ៉េខាងត្បូូងរូបនេះបន្ថែមថា « វាមានបញ្ហាច្រើនដែរយើងពុំទទួលបានលទ្ធផលល្អនៅការប្រកួតផ្លូវការ គឺដោយសារកីឡាករមានបញ្ហារបួសច្រើន ពុំមានការហ្វឹកហ្វាត់ជុំគ្នាគ្រប់គ្រាន់ វាប្រហែលជាសំណាងមិនល្អ ប៉ុន្តែបើសិនជាយើងមានពេលហ្វឹកហ្វាត់ជាមួយគ្នា យកចិត្តទុកដាក់ ក្រុមរបស់យើងនឹងមានប្រកួតប្រជែងជាមួយក្រុមទាំងអស់នៅក្នុងតំបន់អាសុីអាគ្នេយ៍»។

ក្រឡេកទៅមើលការប្រកួតមិត្តភាពអន្តរជាតិផ្លូវការចំនួន៦ចុងក្រោយវិញ ក្រុមជម្រើសជាតិកម្ពុជា ចាញ់តែ១ប្រកួតប៉ុណ្ណោះ គឺចាញ់ ឡាវ២ទល់នឹង១ ឈ្នះ ប៊ូតាន ២ទល់នឹង០ ស្មើឡាវ ១ទល់នឹង១ ឈ្នះ មីយ៉ាន់ម៉ា ១ទល់នឹង០ ឈ្នះ ប្រ៊ុយណេ ៦ទល់នឹង១ និងចុងក្រោយឈ្នះ ទីម័រខាងកើត ២ទល់នឹង០។

រីឯការប្រកួតផ្លូវការវិញ ចាប់តាំងពីថ្ងៃទី ១២ ខែ មិនា ឆ្នាំ២០១៥ កម្ពុជា ប្រកួតបាន១៣ដង ឈ្នះ ២ ស្មើ១ ចាញ់ ១០ ដោយរបូតគ្រាប់បាល់ ២៦គ្រាប់ នឹងស៊ុតចូលគេវិញ បាន៨គ្រាប់។ សម្រាប់ប្រកួតបន្ទាប់ក្រុមបាល់ទាត់ជម្រើសជាតិកម្ពុជា នឹងត្រូវជួបប្រកួតជាមួយ ក្រុម ឆាយនីសតៃប៉ិ ស្របពេលជើងទី ១ នឹងត្រូវធ្វើឡើងនៅថ្ងៃទី ០២ ខែ មិថុនា ឆ្នាំ ២០១៦ នៅតៃវ៉ាន់ គឺចាប់ផ្ដើមនៅម៉ោង៧ល្ងាច (ម៉ោង៦ល្ងាចនៅកម្ពុជា) ថ្ងៃទី២ ខែ មិថុនា លើទីលានកីឡដ្ឋានជាតិ ដែលមានទីតាំងក្នុងទីក្រុង Kaohsung ខណៈជើងទី ២ នឹងធ្វើឡើងនៅពហុកីឡដ្ឋានជាតិ ទឹកដីរបស់កម្ពុជាវិញម្តង នៅថ្ងៃទី ០៧ ខែ មិថុនា ឆ្នាំ២០១៦ ម៉ោង៦:៣០ល្ងាច៕

អានបន្ត

ទស្សនាវីដេអូHighlight ២-០ រវាងក្រុមបាល់ទាត់ជម្រើសជាតិកម្ពុជា និង ជម្រើសជាតិទីម័រ

Date: 6:27 PM

ទស្សនាវីដេអូ Highlight ២-០ រវាងក្រុមបាល់ទាត់ជម្រើសជាតិកម្ពុជា និង ជម្រើសជាតិទីម័រ

កាលពីថ្ងៃទី ២៩ ខែ ឧសភា ឆ្នាំ ២០១៦ ក្រុមបាល់ទាត់ជម្រើសជាតិកម្ពុជាបានប្រកួតយកឈ្នះក្រុម បាល់ទាត់ជម្រើសជាតិទីម័រខាងកើត ក្នុងជំនួបមិត្តភាពកំដៅសាច់ដុំ ដើម្បីត្រៀមខ្លួនចូលរួមក្នុងការ ប្រកួតវគ្គជម្រុះបឋមនៃពានរង្វាន់ជើងឯកទ្វីបអាស៊ី AFC Asian Cup 2019។ ជាលទ្ធផលក្រុមបាល់ ទាត់ជម្រើសជាតិកម្ពុជាបានយកឈ្នះក្នុងលទ្ធផល២-០។ ទស្សនាវីដេអូខាងក្រោម៖

អានបន្ត

ព្រឹកនេះ កម្ពុជា ចេញទៅឆាយនីសតៃប៉ិ សង្ឃឹមរក្សាកំណត់ត្រាឈ្នះ

Date: 6:13 PM

ព្រឹកនេះ កម្ពុជា ចេញទៅឆាយនីសតៃប៉ិ សង្ឃឹមរក្សាកំណត់ត្រាឈ្នះ

ក្រុមបាល់ទាត់ជម្រើសជាតិកម្ពុជានឹងធ្វើដំណើរចាកចេញពីមាតុភូមិនៅម៉ោង១០ព្រឹកនេះហើយ ដើម្បីទៅប្រកួតវគ្គជម្រុះបឋមនៃពានរង្វាន់ជើងឯកទ្វីបអាស៊ី AFC Asian Cup 2019 ជាមួយក្រុមឆាយនីសតៃប៉ិ ជើងទីមួយនៅថ្ងៃទី២ ខែមិថុនា ឆ្នាំ២០១៦ខាងមុខ។

ក្រុមបាល់ទាត់ជម្រើសជាតិកម្ពុជា ជាមួយនឹងឯកសណ្ឋានថ្មី

មុនចាកចេញទៅនេះដែរ លោក Lee Tae Hoon គ្រូបង្វឹកកម្ពុជាបានបង្ហាញការតាំងចិត្តថាលោកនឹងខំប្រឹងប្រែងឱ្យអស់ពីសមត្ថភាព ដើម្បីជួយក្រុមជម្រើសជាតិទទួលបានលទ្ធផលល្អក្នុងការប្រកួតមួយនេះ។ ត្បិតតែប្រកួតក្រៅដីតែងតែពិបាកសម្រាប់កម្ពុជា ប៉ុន្តែគ្រូបង្វឹកសញ្ជាតិកូរ៉េខាងត្បូងរូបនេះមានក្ដីរំពឹងខ្ពស់ទៅលើសមត្ថភាពកូនក្រុមរបស់ខ្លួន បន្ទាប់ពីបានឃើញពួកគេបង្ហាញទម្រង់លេងទល់និងក្រុមទីម័រខាងកើតរួចមក។

លោក Lee Tae Hoon គ្រូបង្វឹកកម្ពុជា

លោក Lee បានបន្តថា សមាជិកក្រុមទាំងអស់ត្រូវលេងសហការគ្នា យល់ចិត្តគ្នា ឱ្យបានល្អបំផុតជាងប៉ះទីម័រ ព្រោះយុទ្ធសាស្ត្ររបស់លោកនៅប្រកួតជាមួយក្រុមឆាយនីសតៃប៉ិនេះ នឹងការពារឱ្យខ្លាំង ហើយវាយបកឱ្យលឿនបំផុតតាមតែអាចធ្វើទៅបាន។ ឆាយនីសតៃប៉ិជាក្រុមខ្លាំង ប៉ុន្តែលោករំពឹងថាកម្ពុជាក៏ធ្វើបានល្អដូចការរំពឹងទុកផងដែរ។

កាលពីឆ្នាំ២០១៤ កន្លងទៅក្នុងប្រកួតមិត្តភាព ក្រុមកម្ពុជាធ្លាប់ឈ្នះឆាយនីសតៃប៉ិ ដោយលទ្ធផល ២-០ ម្ដងហើយ នៅទឹកដីឆាយនីសតៃប៉ិ អីចឹងចាំមើលលទ្ធផលនៅថ្ងៃទី២ខាងមុខនេះវិញ ថាតើកម្ពុជានៅតែរក្សាលទ្ធផលឈ្នះនេះបានដែរឬទេ? ខណៈដែលជើងទី២ នឹងត្រូវធ្វើឡើងនៅពហុកីឡដ្ឋានជាតិម្ដង នៅថ្ងៃទី៧ខែមិថុនា ឆ្នាំ២០១៦៕

អត្ថបទ៖ មុន្នី រម្យ Sabay News

អានបន្ត

ពិធីដង្ហែព្រះបរមសារីរិកធាតុ ចំថ្ងៃវិសាខបូជា ធ្វើឡើងកាលពីព្រឹកមិញនេះ

Date: 12:49 AM

ពិធីដង្ហែព្រះបរមសារីរិកធាតុ ចំថ្ងៃវិសាខបូជា ធ្វើឡើងកាលពីព្រឹកមិញនេះ

ពិធីដង្ហែព្រះបរមសារីរិកធាតុ ព្រះសម្មាសម្ពុទ្ធជាអម្ចាស់បរមគ្រូនៃយើង ពីព្រះបរមរាជវាំង ទៅតម្កល់ទុកនៅព្រះមហាសក្យមុនីចេតីយ៍នាកំពូលភ្នំអដ្ឋរស្ស(ភ្នំឧត្ដុង្គ) ចំថ្ងៃវិសាខបូជា បានប្រព្រឹត្តទៅតាមការគ្រោងទុកកាលពីព្រឹកមិញនេះ។

ពិធីដង្ហែបានចាប់ផ្ដើមចេញពីព្រះបរមរាជវាំង តាមផ្លូវមហាវិថីព្រះនរោត្តម វិថីព្រះអង្គឌួង មហាវិថីព្រះមុន្នីវង្ស ឆ្លងឆ្លងស្ពានជ្រោយចង្វារ ផ្លូវជាតិលេខ៦ ឆ្លងស្ពានព្រែកតាមាក់ និងស្ពានព្រែកក្ដាម ឆ្ពោះទៅកាន់ព្រះមហាសក្យមុនីចេតីយ៍ភ្នំអដ្ឋរស្ស(ភ្នំឧត្ដុង្គ)។ នៅទីនោះក៏មានពិធីរាប់បាត្រដោយចូលរួមពីពុទ្ធសាសនិកជនជាច្រើនរូបផងដែរ។

វិសាខបូជាឬពិសាខបូជា ជាពិធីបុណ្យដែលពុទ្ធសាសនិកចាត់ទុកថាមានសារសំខាន់បំផុតមួយក្នុង ចំណោមបុណ្យដទៃទៀតនៃព្រះពុទ្ធសាសនា។ បុណ្យនេះតែងប្រារព្ធឡើងក្នុងថ្ងៃ ១៥កើត ខែពិសាខ ដើម្បីរំឭកដល់ថ្ងៃដែលព្រះពុទ្ធទ្រង់ប្រសូតចាកឧទរមាតា ជាថ្ងៃដែលទ្រង់ត្រាស់ដឹងអនុត្តរសម្មាសម្ពោធិញាណ និងជាថ្ងៃដែលទ្រង់រំលត់ខន្ធចូលកាន់ព្រះបរមនិព្វាន៕

ចុចអាន៖ វិសាខបូជា មានឥទ្ធិពលធំជាងហែអ្នកតាចិន និងបុណ្យនានានៅកម្ពុជា

អត្ថបទ៖ គង់ វិសាល
រូបភាព៖ កឹម គុណវឌ្ឍន៍

អានបន្ត

KIKILU NEWS

ឆ្នាំនេះ ទុរេនកំពតក្រដល់ និងឆាប់អស់

ប្តូរបរិយាកាសមកជិះសេះទស្សនាភូមិអរិយក្សត្រ

គ្រូក្រុមជម្រើសជាតិកម្ពុជា ស្រាយចម្ងល់ ម៉េចបានប្រកួតមិត្តភាពច្រើនតែឈ្នះ ពេលប្រកួតមែនទែនមិនសូវជោគជ័យ

គ្រូក្រុមជម្រើសជាតិកម្ពុជា ស្រាយចម្ងល់ ម៉េចបានប្រកួតមិត្តភាពច្រើនតែឈ្នះ ពេលប្រកួតមែនទែនមិនសូវជោគជ័យ

ទស្សនាវីដេអូHighlight ២-០ រវាងក្រុមបាល់ទាត់ជម្រើសជាតិកម្ពុជា និង ជម្រើសជាតិទីម័រ

ទស្សនាវីដេអូ Highlight ២-០ រវាងក្រុមបាល់ទាត់ជម្រើសជាតិកម្ពុជា និង ជម្រើសជាតិទីម័រ

ព្រឹកនេះ កម្ពុជា ចេញទៅឆាយនីសតៃប៉ិ សង្ឃឹមរក្សាកំណត់ត្រាឈ្នះ

ព្រឹកនេះ កម្ពុជា ចេញទៅឆាយនីសតៃប៉ិ សង្ឃឹមរក្សាកំណត់ត្រាឈ្នះ

ពិធីដង្ហែព្រះបរមសារីរិកធាតុ ចំថ្ងៃវិសាខបូជា ធ្វើឡើងកាលពីព្រឹកមិញនេះ

ពិធីដង្ហែព្រះបរមសារីរិកធាតុ ចំថ្ងៃវិសាខបូជា ធ្វើឡើងកាលពីព្រឹកមិញនេះ

Like me on Facebook

Language

អត្ថបទពេញនិយម

បញ្ជី

ទាក់ទងមកយើងខ្ញុំ

ទស្សនាវីដេអូ Highlight ២-០ រវាងក្រុមបាល់ទាត់ជម្រើសជាតិកម្ពុជា និង ជម្រើសជាតិទីម័រ

​ព្រឹក​នេះ ​កម្ពុជា​ ចេញ​ទៅ​ឆាយនីស​តៃប៉ិ សង្ឃឹម​រក្សា​កំណត់​ត្រា​ឈ្នះ​

Like me on Facebook

Language

អត្ថបទពេញនិយម

បញ្ជី

ទាក់ទងមកយើងខ្ញុំ

ព្រឹកនេះ កម្ពុជា ចេញទៅឆាយនីសតៃប៉ិ សង្ឃឹមរក្សាកំណត់ត្រាឈ្នះ