រាជរដ្ឋាភិបាល​សម្រេចប្រគល់ដី​សម្បទាន​សង្គមកិច្ច៧៥០ហិកតា ​​ជូនអ្នកភូមិ​​៤០៥គ្រួសារ​នៅស្រុកស្នួល

រាជរដ្ឋាភិបាល​សម្រេចប្រគល់ដី​សម្បទាន​សង្គមកិច្ច៧៥០ហិកតា ​​ជូនអ្នកភូមិ​​៤០៥គ្រួសារ​នៅស្រុកស្នួល

រាជធានីភ្នំពេញ ​៖ រាជរដ្ឋាភិបាល​កម្ពុជាបាន​សម្រេចប្រគល់ដី​សម្បទានសង្គមកិច្ច​ចំនួន៧៥០ហិកតា​ នៅចំណុចត្រពំាងឈូក​ ឃុំឃ្សឹម​ ស្រុកស្នួល​ ខេត្តក្រចេះ​ ជូនអ្នកភូមិចំនួន​៤០៥​គ្រួសារនៅចំណុច​ពាមប៉ោអូរបី​ ក្នុងឃុំឃ្សឹម ​ស្រុកស្នួល បន្ទាប់ពីតំណាង​ក្រុមអ្នកភូមិ​ទំាង៤០៥គ្រួសារ​ ដែលអះអាងថា ក្រុមហ៊ុនប៊ិញភឿក២​ របស់វៀតណាម​រំលោភយកដីនោះ​ បានលើកគ្នាមក​សុំអន្តរាគមន៏ពីសម្តេច​ ជា ស៊ីម​ សម្តេច ហេង សំរិន​ សម្តេចតេជោ ​ហ៊ុន សែន​ និង​ ក្រសួងមហាផ្ទៃ ក្រសួងដែនដី​និងនគរូបនីយកម្ម ​ព្រមទំាងដាក់ញ្ញត្តិ​នៅស្ថានទូតនានា​ កាលពីថ្ងៃទី១២ ​ឧសភា​ ២០១៤ ​កន្លងមក ។

ការសម្រេច​ប្រគល់ដីសម្បទាន​សង្គមកិច្ចខាងលើនេះ ​បានត្រូវលើកឡើងដោយ​ លោក ឃួង ស្រេង ​អភិបាលរងរាជធានី​ភ្នំពេញ ​ខណៈលោកនិង​តំណាងអាជ្ញាធរ​ខេត្តក្រចេះ​ បានចុះទៅសំណេះ​សំណាល​​និងសំណូមពរ​ឲ្យ​តំណាង​ក្រុមអ្នក​ភូមិទំាង៤០៥គ្រួសារ​ ដែលកំពុងស្នាក់​នៅក្នុងវត្ត​សាមគ្គីរង្សី ក្នុងខណ្ឌមានជ័យ ​វិលត្រឡប់ទៅភូមិ​កំណើតវិញ នៅព្រឹកថ្ងៃទី២៩​ ឧសភា ​២០១៤នេះ ។

ប្រភពពី:កោះសន្តិភាព