រដ្ឋាភិបាលចំណាយ $៥ លានក្នុងការដឹកជញ្ជូនពលករ ១២ថ្ងៃ
រដ្ឋាភិបាលចំណាយ $៥ លានក្នុងការដឹកជញ្ជូនពលករ ១២ថ្ងៃ
ភ្នំពេញៈ រាជរដ្ឋាភិបាលកម្ពុជា
បានចំណាយប្រាក់ប្រមាណ ៥
លានដុល្លារអាមេរិកទៅលើការផ្ដល់សេវាទទួលដឹកជញ្ជូននិងម្ហូបអាហារ
ថ្នាំសង្កូវ
ចំពោះពលករខ្មែរខុសច្បាប់ដែលរដ្ឋាភិបាលនៃរបបយោធាថៃបានបញ្ជូន
មាតុភូមិនិវត្តន៍មកកម្ពុជាវិញចាប់តាំងពីថ្ងៃ ទី៦ ដល់ថ្ងៃ ទី១៨
មិថុនា ស្របពេលដែលបានសម្រេចបង្កើតគណៈកម្មការដើម្បីត្រួតពិនិត្យ
ណែនាំ
និងសហការសម្របសម្រួលអំពីបញ្ហាពលករខ្មែរដែលភាគីថៃបានបញ្ជូនមក
កម្ពុជា។
លោក កែ គឹមយ៉ាន ឧបនាយករដ្ឋមន្ត្រី និងជាប្រធានក្រុមការងាររាជរដ្ឋាភិបាលចុះជួយ ខេត្តបន្ទាយមានជ័យ បានថ្លែងជាសាធារណៈនៅកន្លែងទទួលពលករខ្មែរនាច្រកព្រំដែន ប៉ោយប៉ែត កាលពីម្សិលមិញថា អាជ្ញាធរមានសមត្ថកិច្ច កងកម្លាំងរបស់រដ្ឋ បានចំណាយប្រាក់ប្រមាណ ៥ លានដុល្លារអាមេរិកហើយ ទៅលើការផ្ដល់សេវាទទួល ផ្តល់ម្ហូបអាហារ ថ្នាំសង្កូវ និងដឹកជញ្ជូនពលករខ្មែរ ពី ប៉ោយប៉ែត ទៅដល់លំនៅឋានតាមខេត្តនានា ចាប់តាំងពីថ្ងៃ ទី៦ ដល់ថ្ងៃ ទី១៨ មិថុនា។
លោកថ្លែងថា៖ «ការចំណាយនេះ មិនគិតលើការឧបត្ថម្ភដល់អ្នកផ្ដល់សេវាជាង ២០០០ នាក់ និងសេវាដឹកជញ្ជូនដោយរថយន្តជាង ៣០០ គ្រឿង បានដឹកប្រមាណ ៣.០០០ ជើងទេ»។
លោកបានឲ្យដឹងទៀតថា លោកអំពាវនាវឲ្យសមត្ថកិច្ច និងដៃគូអភិវឌ្ឍន៍បន្តជួយផ្ដល់សេវានានាក្នុងការទទួល និងដឹកជញ្ជូនពលករខ្មែរ ពី ប៉ោយប៉ែត រហូតដល់ផ្ទះ ដោយពុំត្រឹមជួយពេលនេះទឹក ១ ដប បាយ ១ កញ្ចប់ទេ គឺបន្តជួយសុវត្ថិភាព សុខភាព បណ្ដុះបណ្ដាលវិជ្ជាជីវៈ និងជួយផ្ដល់ការងារធ្វើជូនពលករទាំងនោះ។
លោកបានឲ្យដឹងទៀតថា៖ «ពលករខ្មែរត្រលប់មកវិញនេះ ខ្ញុំប្រជុំជាមួយក្រសួងការងារថា ក្នុងប្រទេសមានកន្លែងការងារសម្រាប់កម្មករកន្លះលាននាក់។ ហេតុដូចនេះ ពលករយើងសូមពិចារណា និងគួរពិនិត្យមើលឱកាសរកការងារធ្វើក្នុងស្រុក ដែលគ្មានហានិភ័យខ្ពស់ ដែលនៅជិតផ្ទះក្នុងប្រទេស»។
ចំណែកអង្គការ ខារ៉ាម កម្ពុជា ក៏បានបង្កើតមូលនិធិសង្គ្រោះបន្ទាន់ និងអំពាវនាវដល់សាធារណជនជួយបរិច្ចាគជាស្បៀង ថវិកា និងសម្ភារផ្សេងៗសម្រាប់ជួយដល់ពលករចំណាកស្រុកខ្មែរ ដែលត្រូវបានអាជ្ញាធរថៃ ចាប់បញ្ជូនមកកម្ពុជាវិញ។
យោងតាមសេចក្តីប្រកាសព័ត៌មាន ចេញផ្សាយនៅថ្ងៃពុធ បានលើកឡើងថា ដោយមើលឃើញពីទុក្ខលំបាកវេទនា និងបញ្ហាប្រឈមនានា របស់ពលករចំណាកស្រុក ដែលកំពុងត្រូវបានចាប់ខ្លួនត្រឡប់មកកម្ពុជាវិញយ៉ាងតក់ក្រហល់ និងគំហុក ដោយរបបយោធាថៃនោះ អង្គការ ខារ៉ាម កម្ពុជា អំពាវនាវដល់សាធារណជន ជួយចូលរួមបរិច្ចាគជាសម្ភារ ថវិកា ឬស្បៀងអាហារផ្សេងៗ ដើម្បីរួមចំណែកជួយដល់កម្មករចំណាកស្រុក។
លោក យ៉ា ណាវុធ នាយកប្រតិបត្តិអង្គការ ខារ៉ាម កម្ពុជា បានឲ្យដឹងថា មូលនិធិសង្គ្រោះបន្ទាន់នេះ នឹងឆ្លើយតបបញ្ហាផ្សេងៗ និងសង្គ្រោះបន្ទាន់ ចំពោះទុក្ខលំបាក និងបញ្ហាប្រឈមនានារបស់ពលករចំណាកស្រុកខ្មែរ ដែលពួកគាត់កំពុងជួបប្រទះ ក្នុងកំឡុងពេលនៃការចាប់បញ្ជូនខ្លួន និងក្រោយការវិលត្រឡប់មកដល់ប្រទេសកំណើតវិញ។
លោកបានថ្លែងថា៖ «ពួកគាត់ត្រឡប់មកវិញខ្លះអត់អាហារ ខ្លះដួលសន្លប់ ដូច្នេះយើងត្រូវជួយពួកគាត់»។
នៅក្នុងពិធីចែកសញ្ញាបត្រដល់និស្សិតដែលធ្វើឡើងនៅរាជធានី ភ្នំពេញ កាលពីថ្ងៃ ទី១៧ លោក ស ខេង បានថ្លែងថា រាជរដ្ឋាភិបាលកម្ពុជា ខកចិត្តចំពោះមេដឹកនាំយោធាថៃដែលបានបញ្ជូនពលករខ្មែរ មកស្រុកកំណើតវិញទាំងតក់ក្រហល់ដោយមិនបានជូនដំណឹង និងសហការជាមួយនឹងរាជរដ្ឋាភិបាលកម្ពុជា។ លោក ស ខេង បានមានប្រសាសន៍ឲ្យដឹងទៀតថា៖ «ករណីនេះភាគីថៃត្រូវតែទទួលខុសត្រូវ»។
កាលពីថ្ងៃ ទី១៧ ខែមិថុនា ឆ្នាំ២០១៤ រាជរដ្ឋាភិបាលកម្ពុជាបានសម្រេចបង្កើតគណៈកម្មការ ដើម្បីត្រួតពិនិត្យ ណែនាំ និងសហការសម្របសម្រួលអំពីបញ្ហាពលករខ្មែរដែលភាគីថៃបានបញ្ជូនមក កម្ពុជាវិញ ដើម្បីទប់ស្កាត់ការឆ្លងកាត់ព្រំដែនខុសច្បាប់ និងការធានាឲ្យបាននូវសុខភាពនិងសុខមាលភាពពលករជាពិសេសចាស់ជរា ស្ត្រី កុមារ និងអ្នកជំងឺ។
នៅក្នុងសេចក្តីសម្រេចចុះហត្ថលេខាដោយលោក ស ខេង នាយករដ្ឋមន្ត្រីស្តីទី និងជារដ្ឋមន្ត្រីក្រសួងមហាផ្ទៃ ឲ្យដឹងថា គណៈកម្មការនឹងធ្វើការសហការសម្របសម្រួលជាមួយគណៈបញ្ជាការឯកភាព រដ្ឋបាលខេត្តជាប់ព្រំដែនថៃត្រួតពិនិត្យការប្រគល់ទទួលពលករខ្មែរ ដែលត្រឡប់ពី ប្រទេសថៃ ស្របតាមគោលការណ៍ជំនាញ។
គណៈកម្មការ នឹងត្រួតពិនិត្យ ណែនាំ និងសហការសម្របសម្រួលការរៀបចំកន្លែងស្នាក់នៅបណ្តោះអាសន្ន អាហារ ថ្នាំពេទ្យ គ្រូពេទ្យ ដើម្បីធានាឲ្យបាននូវសុខភាព និងសុខមាលភាពពលករទាំងនោះ ជាពិសេសចាស់ជរា ស្ត្រី កុមារ និងអ្នកមានជំងឺ។
នៅក្នុងសេចក្តីសម្រេចនោះបានលើកឡើងទៀតថា៖ «គណៈកម្មការមានតួនាទីដឹកនាំណែនាំគណៈបញ្ជាការឯកភាពខេត្ត ប្រធានច្រកទ្វារព្រំដែន និងកងកម្លាំងមានសមត្ថកិច្ចដែលឈរជើងនៅតាមបណ្តោយព្រំដែន កម្ពុជា-ថៃ ឲ្យពង្រឹងប្រសិទ្ធភាពនៃការគ្រប់គ្រងចេញចូលឆ្លងកាត់ព្រំដែន ដើម្បីធានាអនុវត្តឲ្យបានម៉ឺងម៉ាត់ នូវកិច្ចព្រមព្រៀងឆ្លងកាត់ព្រំដែននៃប្រទេសទាំងពីរ ជាពិសេសត្រូវទប់ស្កាត់ឲ្យបានដាច់ខាតការឆ្លងកាត់ព្រំដែនខុស ច្បាប់ និងការបង្ការទប់ស្កាត់ បង្ក្រាបបទល្មើសឆ្លងដែនគ្រប់ប្រភេទ»។
នៅក្នុងសេចក្តីសម្រេចនោះបានឲ្យដឹងទៀតថា គណៈកម្មការនឹងត្រួតពិនិត្យការដឹកជញ្ជូន ការគ្រប់គ្រង ការថែទាំសុខភាព ជីវភាព សុវត្ថិភាពរបស់ពលករខ្មែរពីច្រកទ្វារព្រំដែនទៅកាន់លំនៅដ្ឋានរៀងៗ ខ្លួន ហើយ លោក ឌុល គឿន រដ្ឋលេខាក្រសួងមហាផ្ទៃ ជាប្រធានគណៈកម្មការ និងលោកស្រី ជូ ប៊ុនអេង រដ្ឋលេខាធិការក្រសួងមហាផ្ទៃ ជាអនុប្រធាន។ គណៈកម្មកានេះមានប្រសិទ្ធភាពពីថ្ងៃចុះហត្ថលេខាតទៅ។
យោងតាមទូរលេខរបស់អគ្គស្នងការនគរបាលជាតិបានឲ្យដឹងរហូតដល់ ថ្ងៃទី ១៨ មិថុនា នេះអាជ្ញាធរថៃបានចាប់បញ្ជូនពលករខ្មែរត្រឡប់មកកម្ពុជាវិញតាម ច្រកទ្វារអន្តរជាតិ ប៉ោយប៉ែត និងតាមច្រកទ្វារព្រំដែនអន្តរជាតិនានា តាមបណ្តាខេត្តជាប់ព្រំដែន កម្ពុជា-ថៃ គិតចាប់ពីថ្ងៃបញ្ជូនដំបូង រហូតមកដល់ត្រឹមថ្ងៃ ទី១៧ ខែមិថុនា ឆ្នាំ២០១៤ មានពលករចំនួនសរុប ១៩៤.៧៣២ នាក់ ដោយក្នុងនោះស្រីមានចំនួន ៧៩.៣៤៤ នាក់ រីឯកុមារមានចំនួនជាង ១៧.៧៧០ នាក់៕
ប្រភពៈ ភ្នំពេញប៉ុស្តិ៍
លោក កែ គឹមយ៉ាន ឧបនាយករដ្ឋមន្ត្រី និងជាប្រធានក្រុមការងាររាជរដ្ឋាភិបាលចុះជួយ ខេត្តបន្ទាយមានជ័យ បានថ្លែងជាសាធារណៈនៅកន្លែងទទួលពលករខ្មែរនាច្រកព្រំដែន ប៉ោយប៉ែត កាលពីម្សិលមិញថា អាជ្ញាធរមានសមត្ថកិច្ច កងកម្លាំងរបស់រដ្ឋ បានចំណាយប្រាក់ប្រមាណ ៥ លានដុល្លារអាមេរិកហើយ ទៅលើការផ្ដល់សេវាទទួល ផ្តល់ម្ហូបអាហារ ថ្នាំសង្កូវ និងដឹកជញ្ជូនពលករខ្មែរ ពី ប៉ោយប៉ែត ទៅដល់លំនៅឋានតាមខេត្តនានា ចាប់តាំងពីថ្ងៃ ទី៦ ដល់ថ្ងៃ ទី១៨ មិថុនា។
លោកថ្លែងថា៖ «ការចំណាយនេះ មិនគិតលើការឧបត្ថម្ភដល់អ្នកផ្ដល់សេវាជាង ២០០០ នាក់ និងសេវាដឹកជញ្ជូនដោយរថយន្តជាង ៣០០ គ្រឿង បានដឹកប្រមាណ ៣.០០០ ជើងទេ»។
លោកបានឲ្យដឹងទៀតថា លោកអំពាវនាវឲ្យសមត្ថកិច្ច និងដៃគូអភិវឌ្ឍន៍បន្តជួយផ្ដល់សេវានានាក្នុងការទទួល និងដឹកជញ្ជូនពលករខ្មែរ ពី ប៉ោយប៉ែត រហូតដល់ផ្ទះ ដោយពុំត្រឹមជួយពេលនេះទឹក ១ ដប បាយ ១ កញ្ចប់ទេ គឺបន្តជួយសុវត្ថិភាព សុខភាព បណ្ដុះបណ្ដាលវិជ្ជាជីវៈ និងជួយផ្ដល់ការងារធ្វើជូនពលករទាំងនោះ។
លោកបានឲ្យដឹងទៀតថា៖ «ពលករខ្មែរត្រលប់មកវិញនេះ ខ្ញុំប្រជុំជាមួយក្រសួងការងារថា ក្នុងប្រទេសមានកន្លែងការងារសម្រាប់កម្មករកន្លះលាននាក់។ ហេតុដូចនេះ ពលករយើងសូមពិចារណា និងគួរពិនិត្យមើលឱកាសរកការងារធ្វើក្នុងស្រុក ដែលគ្មានហានិភ័យខ្ពស់ ដែលនៅជិតផ្ទះក្នុងប្រទេស»។
ចំណែកអង្គការ ខារ៉ាម កម្ពុជា ក៏បានបង្កើតមូលនិធិសង្គ្រោះបន្ទាន់ និងអំពាវនាវដល់សាធារណជនជួយបរិច្ចាគជាស្បៀង ថវិកា និងសម្ភារផ្សេងៗសម្រាប់ជួយដល់ពលករចំណាកស្រុកខ្មែរ ដែលត្រូវបានអាជ្ញាធរថៃ ចាប់បញ្ជូនមកកម្ពុជាវិញ។
យោងតាមសេចក្តីប្រកាសព័ត៌មាន ចេញផ្សាយនៅថ្ងៃពុធ បានលើកឡើងថា ដោយមើលឃើញពីទុក្ខលំបាកវេទនា និងបញ្ហាប្រឈមនានា របស់ពលករចំណាកស្រុក ដែលកំពុងត្រូវបានចាប់ខ្លួនត្រឡប់មកកម្ពុជាវិញយ៉ាងតក់ក្រហល់ និងគំហុក ដោយរបបយោធាថៃនោះ អង្គការ ខារ៉ាម កម្ពុជា អំពាវនាវដល់សាធារណជន ជួយចូលរួមបរិច្ចាគជាសម្ភារ ថវិកា ឬស្បៀងអាហារផ្សេងៗ ដើម្បីរួមចំណែកជួយដល់កម្មករចំណាកស្រុក។
លោក យ៉ា ណាវុធ នាយកប្រតិបត្តិអង្គការ ខារ៉ាម កម្ពុជា បានឲ្យដឹងថា មូលនិធិសង្គ្រោះបន្ទាន់នេះ នឹងឆ្លើយតបបញ្ហាផ្សេងៗ និងសង្គ្រោះបន្ទាន់ ចំពោះទុក្ខលំបាក និងបញ្ហាប្រឈមនានារបស់ពលករចំណាកស្រុកខ្មែរ ដែលពួកគាត់កំពុងជួបប្រទះ ក្នុងកំឡុងពេលនៃការចាប់បញ្ជូនខ្លួន និងក្រោយការវិលត្រឡប់មកដល់ប្រទេសកំណើតវិញ។
លោកបានថ្លែងថា៖ «ពួកគាត់ត្រឡប់មកវិញខ្លះអត់អាហារ ខ្លះដួលសន្លប់ ដូច្នេះយើងត្រូវជួយពួកគាត់»។
នៅក្នុងពិធីចែកសញ្ញាបត្រដល់និស្សិតដែលធ្វើឡើងនៅរាជធានី ភ្នំពេញ កាលពីថ្ងៃ ទី១៧ លោក ស ខេង បានថ្លែងថា រាជរដ្ឋាភិបាលកម្ពុជា ខកចិត្តចំពោះមេដឹកនាំយោធាថៃដែលបានបញ្ជូនពលករខ្មែរ មកស្រុកកំណើតវិញទាំងតក់ក្រហល់ដោយមិនបានជូនដំណឹង និងសហការជាមួយនឹងរាជរដ្ឋាភិបាលកម្ពុជា។ លោក ស ខេង បានមានប្រសាសន៍ឲ្យដឹងទៀតថា៖ «ករណីនេះភាគីថៃត្រូវតែទទួលខុសត្រូវ»។
កាលពីថ្ងៃ ទី១៧ ខែមិថុនា ឆ្នាំ២០១៤ រាជរដ្ឋាភិបាលកម្ពុជាបានសម្រេចបង្កើតគណៈកម្មការ ដើម្បីត្រួតពិនិត្យ ណែនាំ និងសហការសម្របសម្រួលអំពីបញ្ហាពលករខ្មែរដែលភាគីថៃបានបញ្ជូនមក កម្ពុជាវិញ ដើម្បីទប់ស្កាត់ការឆ្លងកាត់ព្រំដែនខុសច្បាប់ និងការធានាឲ្យបាននូវសុខភាពនិងសុខមាលភាពពលករជាពិសេសចាស់ជរា ស្ត្រី កុមារ និងអ្នកជំងឺ។
នៅក្នុងសេចក្តីសម្រេចចុះហត្ថលេខាដោយលោក ស ខេង នាយករដ្ឋមន្ត្រីស្តីទី និងជារដ្ឋមន្ត្រីក្រសួងមហាផ្ទៃ ឲ្យដឹងថា គណៈកម្មការនឹងធ្វើការសហការសម្របសម្រួលជាមួយគណៈបញ្ជាការឯកភាព រដ្ឋបាលខេត្តជាប់ព្រំដែនថៃត្រួតពិនិត្យការប្រគល់ទទួលពលករខ្មែរ ដែលត្រឡប់ពី ប្រទេសថៃ ស្របតាមគោលការណ៍ជំនាញ។
គណៈកម្មការ នឹងត្រួតពិនិត្យ ណែនាំ និងសហការសម្របសម្រួលការរៀបចំកន្លែងស្នាក់នៅបណ្តោះអាសន្ន អាហារ ថ្នាំពេទ្យ គ្រូពេទ្យ ដើម្បីធានាឲ្យបាននូវសុខភាព និងសុខមាលភាពពលករទាំងនោះ ជាពិសេសចាស់ជរា ស្ត្រី កុមារ និងអ្នកមានជំងឺ។
នៅក្នុងសេចក្តីសម្រេចនោះបានលើកឡើងទៀតថា៖ «គណៈកម្មការមានតួនាទីដឹកនាំណែនាំគណៈបញ្ជាការឯកភាពខេត្ត ប្រធានច្រកទ្វារព្រំដែន និងកងកម្លាំងមានសមត្ថកិច្ចដែលឈរជើងនៅតាមបណ្តោយព្រំដែន កម្ពុជា-ថៃ ឲ្យពង្រឹងប្រសិទ្ធភាពនៃការគ្រប់គ្រងចេញចូលឆ្លងកាត់ព្រំដែន ដើម្បីធានាអនុវត្តឲ្យបានម៉ឺងម៉ាត់ នូវកិច្ចព្រមព្រៀងឆ្លងកាត់ព្រំដែននៃប្រទេសទាំងពីរ ជាពិសេសត្រូវទប់ស្កាត់ឲ្យបានដាច់ខាតការឆ្លងកាត់ព្រំដែនខុស ច្បាប់ និងការបង្ការទប់ស្កាត់ បង្ក្រាបបទល្មើសឆ្លងដែនគ្រប់ប្រភេទ»។
នៅក្នុងសេចក្តីសម្រេចនោះបានឲ្យដឹងទៀតថា គណៈកម្មការនឹងត្រួតពិនិត្យការដឹកជញ្ជូន ការគ្រប់គ្រង ការថែទាំសុខភាព ជីវភាព សុវត្ថិភាពរបស់ពលករខ្មែរពីច្រកទ្វារព្រំដែនទៅកាន់លំនៅដ្ឋានរៀងៗ ខ្លួន ហើយ លោក ឌុល គឿន រដ្ឋលេខាក្រសួងមហាផ្ទៃ ជាប្រធានគណៈកម្មការ និងលោកស្រី ជូ ប៊ុនអេង រដ្ឋលេខាធិការក្រសួងមហាផ្ទៃ ជាអនុប្រធាន។ គណៈកម្មកានេះមានប្រសិទ្ធភាពពីថ្ងៃចុះហត្ថលេខាតទៅ។
យោងតាមទូរលេខរបស់អគ្គស្នងការនគរបាលជាតិបានឲ្យដឹងរហូតដល់ ថ្ងៃទី ១៨ មិថុនា នេះអាជ្ញាធរថៃបានចាប់បញ្ជូនពលករខ្មែរត្រឡប់មកកម្ពុជាវិញតាម ច្រកទ្វារអន្តរជាតិ ប៉ោយប៉ែត និងតាមច្រកទ្វារព្រំដែនអន្តរជាតិនានា តាមបណ្តាខេត្តជាប់ព្រំដែន កម្ពុជា-ថៃ គិតចាប់ពីថ្ងៃបញ្ជូនដំបូង រហូតមកដល់ត្រឹមថ្ងៃ ទី១៧ ខែមិថុនា ឆ្នាំ២០១៤ មានពលករចំនួនសរុប ១៩៤.៧៣២ នាក់ ដោយក្នុងនោះស្រីមានចំនួន ៧៩.៣៤៤ នាក់ រីឯកុមារមានចំនួនជាង ១៧.៧៧០ នាក់៕
ប្រភពៈ ភ្នំពេញប៉ុស្តិ៍
No comments:
Post a Comment