យុវវ័យខ្លះទ្រាំមិនបានរើសយកការរួមរស់មុនរៀបការគួរបន្ទោសបែបណា?
យុវវ័យខ្លះទ្រាំមិនបានរើសយកការរួមរស់មុនរៀបការគួរបន្ទោសបែបណា?
អាពាហ៍ពិពាហ៍ នៅតែជាពិធីដ៏មានតម្លៃក្នុងសង្គមខ្មែរ ទោះបីជាលក្ខខ័ណ្ឌច្បាប់ ទទួលស្គាល់ចំពោះការចុះ អេតាស៊ីវិលដោយភាគីទាំងសងខាងក៏ដោយ។នៅ ពេលដែលយុវវ័យខ្មែរជាច្រើនរមែងស្រមៃដល់អាពាហ៍ពិពាហ៍នៅគ្រាដែលគេ បានជួបជំពើបជាមួយនារីរឺបុរសជាទីពេញចិត្តនោះ ក៏មានយុវវ័យមួយចំនួនទៀតបានជ្រើសយកវិធីរួមរស់ដោយរំលង អាពាហ៍ពិពាហ៍តែម្ដង។
នៅក្នុងការពិភាក្សាជាមួយ Sabay លើប្រធាននេះ យុវវ័យមួយចំនួនបានបញ្ចេញទស្សនៈមិនគាំទ្រការ រួមរស់មុនអាពាហ៍ពិពាហ៍ឡើយ ទោះបីក្នុងលក្ខខណ្ឌបែបណាក្ដី។ យុវវ័យបូរ៉ែន បម្រើការ នៅអង្គការមិនមែនរដ្ឋាភិបាល លើកឡើងថា ការរួមរស់ក្រៅអាពាហ៍ពិពាហ៍ មានតែធ្វើឲ្យចំណងស្នេហ៍នោះផុយស្រួយតែប៉ុណ្ណោះ។
“យោង លើច្បាប់អាពាហ៍ពិពាហ៍ប្ដីប្រពន្ធដែលអាចរួមរស់ជាមួយគ្នាបាន លុះណាតែបានទទួលស្គាល់ពីសំណាក់អាជ្ញាធរ តាមរយៈ ការចុះសំបុត្រអាពាហ៍ពិពាហ៍ ហើយមានការទទួលស្គាល់ពីចាស់ទុំសងខាងផងដែរ ម្យ៉ាងវិញទៀតការរួមរស់ដែលមិនរៀបការធ្វើឲ្យភាគី សងខាងមិនមានកាតព្វកិច្ច និងទំនួលខុសត្រូវខ្ពស់រវាងគ្នា និងគ្នាពួកគាត់អាចងាយឆាប់បែកបាក់ទៅវិញ។ អ្វីដែលប៉ះពាល់មួយទៀតនោះ គឺអនាគតរបស់កូនចៅដែលមិន មានខាន់ស្លាត្រឹមត្រូវ“។
រូបតំណាង
នៅ ពេលដែលសួរថា ចុះប្អូនយល់យ៉ាងណាចំពោះមតិដែលថា យុវវ័យអាចរួមរស់យល់ចិត្តគ្នាឲ្យបានមុនរៀបការ ដើម្បីកាត់បន្ថយអត្រាលែងលះនាពេលបច្ចុប្បន្ននោះ កញ្ញា ទេព និមល លើកឡើងដែរថា ទោះបីជាអាចកាត់បន្ថយអត្រា លែងលះតែមិនប្រាកដថាអាចកាត់បន្ថយការបែកបាក់ទេ។ “ពួកគេ អាចបែកបាក់គ្នាវិ ញមុនពេលរៀបការដោយស្រួលដោយសារមិនមានចំណងទទួលខុសត្រូវ រឺមានការជ្រោមជ្រែងពីសាច់ញាតិ។ ខ្ញុំមិនឯកភាពរឿងនេះទេ វាអាចប្រឈមបញ្ហាជាច្រើន ទាំងការប្រថុយប្រថានមានកូន ក្រៅចំណងរៀបការ និងកិត្តិយស ខ្លួនឯង កិត្តិយសគ្រួសារ“។ បូរ៉ែន រៀបរាប់។
ដូចគ្នា នេះដែរ បូរ៉ែនបានបន្តថា ប្រពៃណីជារឿងសំខាន់ណាស់ ណាមួយការរួមរស់ជាមួយគ្នាហើយត្រូវតែទទួលខុសត្រូវ ពិសេសភាគីបុរស អាចមានប្រៀបច្រើនជាងខាងនារី។
យ៉ាងណា ក៏ដោយមតិខាងដើមត្រូវ បានច្រានចោលដោយយុវជន ឡេង ច័ន្ទតុលា។ តុលាលើកឡើងថា ប្រសិនបើ គេនិយាយថា អាពាហ៍ពិពាហ៍ជាការទទួលខុសត្រូវរបស់បុរសចំពោះស្ត្រី គឺខុសទាំងស្រុង។
“សម្រាប់ខ្ញុំ ខ្ញុំយល់ផ្សេង មនុស្សដែលគ្មានការទទួលខុសត្រូវគេ នៅតែមិនមានការទទួលខុសត្រូវដដែល ទោះបីរៀបការពេញច្បាប់ហើយ មានកូនម៉ាកន្ទេលហើយក៏ដោយ យើងឃើញគ្រប់គ្នាហើយ! ផ្ទុយទៅវិញ ការទទួលខុសត្រូវ ក៏អាចមានក្នុងចំណោមអ្នកដែលមិនបានរៀបការដែរ! យើង ត្រូវគិតលើហេតុផលសិនថា ហេតុអី យុវវ័យខ្លះសុខចិត្តរើសយកវិធីនេះ វាមានហេតុផលរបស់វា ដូចជាលក្ខខណ្ឌលុយកាក់។ អាពាហ៍ពិពាហ៍ខ្មែរយើងចំណាយលុយហួសហេតុពេក ហើយ លុយខ្លះសឹងរកមួយជីវិតមិនបានផងសម្រាប់អ្នកក្រ មួយទៀតគឺកត្តាជ្រៀតជ្រែករបស់ឪពុកម្ដាយ។
ឪពុកម្ដាយខ្លះ តាមបំបែកកូនដល់ទីបំផុតអោយតែគាត់មិនពេញចិត្ត ទីបីកត្តាសង្គម យុវវ័យ ខ្លះចាប់ផ្ដើមរំកិលខ្លួនទៅតាមសង្គមស៊ីវិល័យ គេគិតថា ជម្រើសជីវិត និងអនាគតគេជាម្ចាស់ គេអាចរើសយកវិធីសាកល្បងរស់នៅមុនរៀបការ មានប្រាក់ហើយចាំគិត រឺត្រូវគ្នាសិនចាំ គិត ដើម្បីបង្ការកុំឲ្យចុះអេតាស៊ីវិលហើយ ត្រូវលែងលះវិញ! ខ្ញុំអត់ ថា គេអាក្រក់ទេ សំខាន់គេ ត្រូវទទួលខុសត្រូវ ពិសេស បើក្នុងដំណាក់កាលហ្នឹង គេមិនគួរងាយមានកូនទេ តែទោះបីគេមិនរៀបការមួយជីវិតក៏គេអាចមានកូនដែរឲ្យតែគេ យល់ថា គេយល់ពីដៃគូរគេច្បាស់ហើយនិងអាចរស់នៅជាមួយគ្នាយូរអង្វែងបាន”៕
ចុះអ្នកវិញ? ប្រហែលជាមានយោបល់ច្រើនណាស់មែនអត់?
សូម ចុចត្រង់នេះ ដើម្បីចូលទៅបណ្ដុំអត្ថបទ តិចនិកស្នេហា ពិសេសៗសម្រាប់យុវវ័យ
នេះនែ! តិចនិកចាយលុយឲ្យអស់តិច អ្នកមានសង្សារមិនគួរមើលរំលង
No comments:
Post a Comment