អ្នកគ្មានដីធ្វើបាតុកម្មហិង្សា មេខ្លោងគប់ដបសាំង

Posted by: Anonymous
Date: 3:38 AM

អ្នកគ្មានដីធ្វើបាតុកម្មហិង្សា មេខ្លោងគប់ដបសាំង

ខេត្តកំពង់ឆ្នាំង ៖ បើទោះបីមានការសម្របសម្រួលនិងបានដោះស្រាយទទួលផលវិជ្ជ មានជាបន្តបន្ទាប់របស់គណៈកម្មការចម្រុះខេត្ត រវាងក្រុមហ៊ុន ខេឌីស៊ី ជាមួយអ្នកភូមិទ្បពាង កន្លងទៅបានមួយភាគធំយ៉ាងណាក្តី ក៏នៅមានក្រុមអ្នកតវ៉ាមួយក្តាប់តូច ជាបងប្អូននិងគ្នាដែលគេស្គាល់ច្បាស់ថា គ្មានដីមួយចំអាមសោះ នៅតែបន្តសកម្មភាពតវ៉ាផ្កាប់មុខឥតឈប់ឈរ។

ចំណែកអ្នកភូមិមួយភាគធំ ក្នុងភូមិទ្បពាង ដែលធ្លាប់តវ៉ាពីមុនមកបានបញ្ឈប់សកម្មភាពតវ៉ាហើយ ព្រោះពួកគេបានទទួលប្រាក់ឧបត្ថម្ភដោះស្រាយគោលនយោបាយពី ក្រុមហ៊ុនបានសមស្រប ធ្វើឱ្យកម្លាំងតវ៉ាបានចុះថយស្ទើរអស់ ។ ដោយសារគ្មានកម្លាំងរួមតវ៉ា ស្រាប់តែមេក្លោងការតវ៉ានេះ បានងាកទៅកែនកងប្រមូលប្រជាពលរដ្ឋភូមិជិតខាងឈ្មោះបឹងកក់ មកជួយជាកម្លាំងតវ៉ាបន្ថែមទៀត ហើយកាន់តែព្រហើននិងមិនគោរពច្បាប់ទៀតផង រហូតដល់ហា៊នបិទផ្លូវជាតិលេខ៥ ធ្វើឱ្យស្ទះចរាចរណ៍ជិតមួយម៉ោង ព្រមជាមួយការគប់ដបសាំងបញ្ជេះពេញថ្នល់ជាតិសើចលេងយ៉ាង សប្បាយ ដែលគេនិយាយថា ពួកគេនេះមកពីស្រវឹងដាបគ្រប់គ្នា ព្រោះមុនមកតវ៉ាមានមេខ្លោងធំទិញទឹកត្នោតជូឱ្យ៤-៥ប៊ី ដុងផឹកលេចថ្លើម ដើម្បីធ្វើផ្គរធ្វើរន្ទះ ។

ជាក់ស្តែងនៅព្រឹកថ្ងៃទី១១ មិថុនា នៅម៉ោងប្រហែលជិត៧ព្រឹក ក្រុមអ្នកតវ៉ាផ្កាប់មុខដឹកនាំដោយឈ្មោះ រាជ សីម៉ា ឈ្មោះ ពិត ប្រាកដ គឺស្ងួន ញៀន ជាមួយប្អូនប្រុសឈ្មោះ ស្ងួន ញឿន និងប្រពន្ធឈ្មោះ អុំ សុភី បានដឹកនាំបងប្អូនរបស់ខ្លួនប្រហែលជាង១០នាក់ រួមទាំងអ្នកភូមិបឹងកក់ ដែលពីមុនមកមិនដែលឃើញតវ៉ាសោះ សរុបជាង៤០នាក់ បាននាំគ្នាដើរដង្ហែជាក្បួនចេញតាមថ្នល់ជាតិលេខ៥ ចាប់ពីភូមិសូវង្ស រហូតមកដល់មុខផ្សារតាជេស ហើយបានបញ្ចេញសកម្មភាពបិទផ្លូវជាតិតែម្តងនៅម៉ោង៩ព្រឹក ថ្ងៃដដែល ។ ខណៈពេលធ្វើសកម្មភាពបិទផ្លូវនេះ មានមេក្ខោងឈ្មោះ ស្ងួន ញឿន ជាប្អូនរបស់ឈ្មោះ រាជ សីម៉ា ហៅញៀន បានយកដបសាំងចេញពីរទេះរុញ ដែលដាក់ក្មេងៗអែបជាមួយដុតគុបមកលើថ្នល់ជាតិ ព្រមជាមួយនឹងការដុតគីបបំផ្ទុះជាសំទ្បេងផងដែរ ។

ប៉ុន្តែមិនបានបង្ករងរបួសនរណាម្នាក់ទ្បើយ ក្រៅពីក្រុមអ្នកតវ៉ាម្នាក់ជាស្ត្រីបានមុតជើងនឹងអំបែងដប សាំងបែកលើថ្នល់ជាតិរបស់ក្រុមខ្លួនឯង ។ ក្នុងប្រឆាំងនេះ គេឃើញឈ្មោះ ស្ងួន ញឿន បានគប់ដបសាំងជាច្រើនដបបណ្តាលឱ្យឆេះលើថ្នល់ជាតិសន្ធោសន្ធៅ ចំណែកឈ្មោះ ស្ងួន ញៀន ហៅរាជ សីម៉ា ជាល្បងធំ ជាមួយឈ្មោះ អុំ សុភី ជាប្អូនថ្លៃ កាន់ក្បាលមេក្រូជេរប្រទេចមកលើអាជ្ញាធរ និងក្រុមហ៊ុនយ៉ាងចាស់ដៃ រួមទាំងស្ថាប័នតុលាការផងដែរ ដោយចោទថា អាជ្ញាធរខេត្ត ស្រុក រើសអើងក្រុមអ្នកតវ៉ារបស់ពួកគេ និងសាលាដំបូងខេត្តមិនឯករាជ្យជាដើម ។ នៅម៉ោង៩និង៤០នាទីព្រឹកថ្ងៃដដែល មន្ត្រីសាលាស្រុកកំពង់ត្រទ្បាចម្នាក់បានចូលទៅសម្របសម្រួល ហើយទទួលយកពាក្យតវ៉ារបស់ពួកគេ ទើបពួកគេព្រមរំសាយត្រទ្បប់មកផ្ទះវិញ ។

ការតវ៉ាបិទផ្លូវជាសាធារណៈនេះ ធ្វើឱ្យអ្នកដំណើរមានការក្តៅប្រហាយជាខ្លាំង ព្រោះបានស្ទះចរាចរណ៍ជាងកន្លះម៉ោង ។ ក្នុងការតវ៉ានោះ គេសង្កេតឃើញ លោក ដួង ចិត្រា ប្រធានគណបក្សសង្គ្រោះជាតិខេត្ត មានវត្តមានក្នុងពេលនោះដែរ ។ ចំណែកកម្លាំងសមត្ថកិច្ចវិញ មិនបានធ្វើអ្វីប៉ះពាល់ដល់ក្រុមអ្នកតវ៉ានោះទ្បើយ គឺបានត្រឹមតែដើរតាមឃ្លាំមើល និងសម្រួលចរាចរណ៍តែប៉ុណ្ណោះ រហូតដល់ពេលក្រុមនេះចេញផុតពីបិទផ្លូវជាតិ ទើបនាំគ្នាទៅបើកផ្លូវវិញ ។ ប៉ុន្តែបើតាមដឹងកម្លាំងទាំងនោះពិតជាមិនទុកឱ្យក្រុមអនា ធិបតេយ្យនេះ បង្កភាពអុកទ្បុកបានទ្បើយ គឺកុំឃើញខ្លាក្រាប ស្មានថាខ្លាខ្លាច នេះគឺជាយុទ្ធសាស្ត្រ សម្រាប់សន្តិភាពរបស់កម្លាំងសមត្ថកិច្ចតែប៉ុណ្ណោះ បើកុំរំសាយទាន់ប្រហែលត្រូវដំបងក្បាលខ្លះៗមិនខាន ។

គួរកត់សម្គាល់ថា កន្លងមកក្រុមហ៊ុនបានទទួលពាក្យបណ្តឹងតវ៉ាចំនួន២២គ្រួសារ នៅសាលាដំបូងខេត្ត តែដោយលោក សំ ច័ន្ទគា មន្ត្រីសិទ្ធិមនុស្សប្រចាំខេត្ត ដែលគេសង្ស័យជាមេខ្លោងធំប្រាប់ថា សុំបញ្ជូនអ្នកតវ៉ាខ្លះទៀត ដែលមានពាក្យបណ្តឹងនៅភ្នំពេញ ទើបក្រុមហ៊ុនសម្រេចទទួលយក ដែលសរុបមានចំនួន៥២គ្រួសារ ហើយក៏បានបង្កើតគណៈកម្មការចម្រុះមួយ ដែលកាលណោះ មានលោកជំទាវ ដោក សុទ្ឋា អភិបាលរងខេត្ត ជាប្រធាននិងមានសមាសភាពចំនួន៩រូប ជាសមាជិកក្នុងនោះ មានលោក សំ ច័ន្ទគា ជាមន្ត្រីសិទ្ធិមនុស្សអាថហុក ប្រចាំខេត្តផង ក៏ជាសមាជិកម្នាក់ដែរ ។
ក្រុមគណៈកម្មការចម្រុះបាន ប្រជុំសម្របសម្រួលជាច្រើនលើកជាមួយប្រជាពលរដ្ឋ និងក្រុមហ៊ុនហើយក៏បានឈានដល់ការដោះស្រាយជាបន្តបន្ទាប់ ដោយមានអ្នកស័្មគ្រចិត្តមកទទួលយកប្រាក់ឧបត្ថម្ភជាគោល នយោបាយ ព្រោះតែក្រុមអ្នកតវ៉ាទាំងនោះ គ្មានលិខិតស្នាមរឿងដីសោះ បានចំនួន៣៥គ្រួសារ ។

នៅសល់ចំនួន១៧គ្រួសារ ក្នុងនោះមួយគ្រួសារ គឺពុំមែនជាអ្នករស់នៅក្នុងភូមិទ្បពាងទេ ។ ១៦គ្រួសារដែលនៅសេសសល់ ដែលមិនទទួលយកប្រាក់គោលនយោបាយ គឺមួយចំនួនជាបងប្អូនកូនចៅរបស់យាយ អ៊ុន ទុំ ជាម្តាយរបស់រាជ សីម៉ា គឺតាំងពីប្អូនកូនមួយកន្ទេល និងចៅមួយពាងប្រហុក ដែលយាយទុំគ្មានដីសោះ រស់នៅដោយសារក្រុមហ៊ុនឱ្យចាំដី ស្រាប់តែមកទាមទាររកដីកេរយាយទុំដែរ ។ ប្រភពដដែលបន្តថា ចាប់ពីដើមខែមិថុនា ឆ្នាំ២០១៤នេះ ក្រុមហ៊ុនបានដាក់គ្រឿងចក្រ ដើម្បីឈូសខ្នងប្រទ្បាយ ស្រាប់តែត្រូវក្រុមអ្នកតវ៉ាទាំងនេះ ប្រដាប់ដោយកាំបិទ ពូថៅ និងដបសាំង រួមជាមួយនឹងគ្រាប់កែច្នៃ ត្រៀមបំផ្លាញគ្រឿងចក្រ និងគម្រាមអ្នកបើកគ្រឿងចក្រមិនឱ្យដំណើរការបានរហូតដល់សព្វ ថ្ងៃនេះ ។ លោក ថៃ ហ៊ី តំណាងឱ្យក្រុមហ៊ុន ខេឌីស៊ី បាននិយាយថា ១៦គ្រួសារ ដែលនៅក្រាញតវ៉ាបង្កព្យុះភ្លៀងឥតឈប់ឈរ គឺមានគ្រួសារយាយ អ៊ុន ទុំ ចំនួន៥គ្រួសារ ក្នុងនោះមាន ១-យាយ អ៊ុន ទុំ គាត់ជាមេគ្រួសារ តែគ្មានដីទេ គាត់បានសុំដីក្រុមហ៊ុមស្នាក់នៅបណ្តោះអាសន្ន(មានឯកសារ) ។

ចំណែកកូនៗនិងចៅរបស់គាត់បានសំអាងថា ដីម៉ែ ដីយាយ ចែកឱ្យមាន៤គ្រួសារទៀត គឺ១-ឈ្មោះ ស្ងួន ញៀន ហៅរាជ សីម៉ា ២-ឈ្មោះ ស្ងួន ញឿន ជាប្អូនមានប្រពន្ធឈ្មោះ អុំ សុភី ៣-ឈ្មោះ សុខា និង៤-ជាចៅយាយអ៊ុនទុំ ដែលម្តាយបានស្លាប់ទៅហើយ សុទ្ធតែបានអះអាងជាមួយគណៈកម្មការថា ជាដីកេរម៉ែចែកឱ្យ ខណៈម្តាយបានសុំដីក្រុមហ៊ុននៅសោះ ។ ប្រភពដដែលបន្តថា ដោយសារមើលឃើញកម្លាំងតវ៉ារបស់ពួកគេបានថយចុះ ក្រុមអ្នកប្រឆាំងទាំងនោះ បានទៅប្រមូលអ្នកភូមិបឹងកក់ ដែលនៅជិតខាងមកជួយតវ៉ាបន្ថែមទៀត ដើម្បីបានជាកម្លាំង ដែលក្រុមទាំងនោះ គ្មានក្នុងបញ្ជីត្រូវដោះស្រាយផង ។ មកដល់ពេលនេះ កម្លាំងអ្នកតវ៉ាក្រៅផ្លូវការបានកើនទ្បើងជាង៥០គ្រួសារ ហើយ សួរថា តើយុត្តិធម៌ត្រង់ណាសម្រាប់ក្រុមហ៊ុន ដែលមានប្លង់ដី មានច្បាប់វិនិយោគត្រឹមត្រូវ បែរជាស្ទះដោយសារពួកអនាធិបតេយ្យក្រៅច្បាប់នោះ ។

ក្រុមអ្នកវិភាគបាននិយាយថា មកដល់ពេលនេះ ក្រុមអ្នកតវ៉ារបស់ក្រុម រាជ សីម៉ា ប្រហែលជាលែងត្រូវការដំណោះស្រាយលុយកាក់ហើយ ព្រោះមើលទៅឆន្ទះពួកគេទាំងនោះ គឺមិនទទួលយកការសម្របសម្រួលណាមួយទ្បើយ ក្រៅពីការប្រឆាំងផ្កាប់មុខ រួចតាំងស្រែកថា ក្រុមហ៊ុនមិនដោះស្រាយ ។ នេះជាទិសដៅរបស់ក្រុមអ្នកតវ៉ាផ្កាប់មុខជាបងប្អូនបង្កើត ព្រោះពួកទាំងនោះមិនចង់បានលុយ ជាងក្លាយខ្លួនឱ្យល្បីឈ្មោះថាជាសកម្មជនដីធ្លីទេ ដែលសង្ឃឹមថា នឹងបានចេញទៅក្រៅប្រទេស តាមការផ្លុំត្រចៀកពីមេអង្គការមួយ ។ ប៉ុន្តែសូមកុំភ្លេចថា មួយចំនួនរបស់ក្រុមនេះ សុទ្ធតែមានឈ្មោះ ក្នុងបញ្ជីសាលាដំបូងខេត្ត ដែលនឹងត្រូវកោះហៅទៅបំភ្លឺថ្ងៃណាមួយដោយមានសមត្ថ កិច្ចនាំចូល បើរឹងទទឹង ។

តាមការកត់សម្គាល់មនុស្សមួយក្រុម ដែលធ្វើបាតុកម្មបិទផ្លូវនេះ ភាគច្រើនសុទ្ធតែជាមនុស្សថ្មីមកពីភូមិបឹងកក់ ។ ពួកគេត្រូវឈ្មោះ ញៀន ហៅរាជ សីមា៉ និងឈ្មោះញឿនជាប្អូនបានកែនហៅមកតវា៉ ក្រែងលោបានប្រាក់ពីក្រុមហ៊ុនដែលគេថា «ឈ្នះបានដីចាញ់បាន លុយ» ។ រឿងនេះអាជ្ញាធរខេត្តកំពង់ឆ្នាំងបានដឹងច្បាស់ណាស់ ប៉ុន្តែមិនដឹងយា៉ងម៉េចដោះស្រាយមិនចេញ ។ ចំណែកឈ្មោះ រាជ សីមា៉ បាននិយាយប្រាប់គេថា ខ្លួនចង់បានឈ្មោះជាសកម្មជនដីធ្លី កាលណាល្បីឈ្មោះគេអត់ហា៊នចាប់ទេ ។ បើគេហា៊នចាប់ខ្លួននឹងបានគេនាំគេចចេញទៅរស់នៅអាមេរិក ។ប្រហែលជាចង់ដូរដីពីផ្ទះទៅកន្លែងមានអ្នកយាមហើយមើលទៅ ។ ក្រុមអ្នកវិភាគនិយាយថា អាជ្ញាធរស្រុកត្រូវតែសម្រួលការងារឱ្យក្រុមហ៊ុនឈូសឆាយដើម្បី សាងសង់រោងចក្រ ព្រោះតំបន់នោះរាជរដ្ឋាភិបាលបានយល់ព្រមឱ្យបង្កើតតំបន់សេដ្ឋ កិច្ចពិសេសរួចហើយ មិនត្រូវឱ្យជនអនាធិបតេយ្យមួយក្តាប់តូចមករារាំងតាមអំពើចិត្ត បែបនេះឡើយ ។

ជាក់ស្តែងអ្នកកាន់ដបប្រេងសាំងគប់ឱ្យឆេះ សន្ធោសន្ធៅនេះគឺឈ្មោះ ញឿន និងមានរហូតដល់គ្រឿងផ្ទុះថែមទៀតដែលអាចផ្តន្ទាទោសបានហើយ គឺត្រូវតែចាប់ឱ្យសងការខូចខាតផ្លូវជាតិទើប រាង ។ បើតាមជើងលេខរបស់អ្នកភូមិឡពាង និយាយថា ឈ្មោះ ញៀន និងញឿន ២នាក់បងប្អូនដែលជាមេខ្លោងគេចមិនរួចពីទៅដេកពន្ធនាគារខេត្ត ហើយ គឺមិនមែនទៅស្រុកអាមេរិកទេ ៕

KIKILU NEWS