បាក់ឌុបឆ្នាំនេះ “អ្នកចេះ គឺជាប់” !
បាក់ឌុបឆ្នាំនេះ “អ្នកចេះ គឺជាប់” !
“អ្នកចេះ គឺជាប់” គឺជាទិសស្លោកមួយ ដែលត្រូវបានផ្សព្វផ្សាយ និងដាក់ចេញ ដោយ រដ្ឋមន្ត្រីក្រសួងអប់រំ យុវជន និងកីឡា ខណៈកំណែទម្រង់ទាំងនេះ នឹងមើលឃើញ កាន់តែច្បាស់នៅ ក្នុងការប្រលងសញ្ញាប័ត្រមធ្យមសិក្សាទុតិយភូមិ(បាក់ឌុប) និង ការប្រលងសញ្ញាប័ត្របឋមភូមិនាពេលខាងមុខ។អង្គភាពប្រឆាំងអំពើពុករលួយ ដែលជាស្ថាប័ន មានតួនាទីឃ្លាំមើលភាពមិនប្រក្រតី នៃអំពើស៊ីសំណូកសូកប៉ាន់ នៅគ្រប់រូបភាព នៃស្ថាប័នរដ្ឋក៏ កំពុងមានកិច្ចសហការកាន់តែខ្លាំងថែមទៀត ជាមួយក្រសួងអប់រំយុវជននិងកីឡា និងផ្នែកពាក់ព័ន្ធជាច្រើន មានជាអាទិ៍អង្គការសង្គមស៊ីវិល និងបុគ្គលឯកជនចូលរួមសង្កេតការណ៍ ការប្រលងសញ្ញាប័ត្រមធ្យមសិក្សាទុតិយភូមិ(បាក់ឌុប) តាមរយៈសេចក្ដីជូនដំណឹងរបស់អង្គភាព កាលពីពេលថ្មីៗនេះ។
ការប្រលងបាក់ឌុបកាលពីឆ្នាំមុន ភាពមិនប្រក្រតីជុំវិញការបែកធ្លាយវិញ្ញាសា ការផ្ដល់លុយទៅគ្រូជាថ្នូរទៅនឹងការបើកមើលសំណៅឯកសារនៅពេល ប្រលង គឺជាប្រធានបទធំ ដែលនាំឲ្យមានការចោទសួរពីសំណាក់មហាជនជាច្រើន។ លោក រ៉ុង ឈុន ប្រធានសមាគមគ្រូបង្រៀនកម្ពុជាឯករាជ្យ ធ្លាប់បានលើកឡើងថា មូលហេតុ ដែលនាំឲ្យកើតមានអំពើសូកប៉ាន់ កាន់តែច្រើន ដោយសារប្រាក់បៀវត្សរបស់គ្រូបង្រៀននៅមានកម្រិត។
No comments:
Post a Comment