រថយន្តប្រើស្លាកលេខខេមរភូមិន្ទ ន.ប និងរាជការកំពុងត្រូវបានប្រើប្រាស់យ៉ាងអនាធិបតេយ្យនៅប៉ោយប៉ែត
រថយន្តប្រើស្លាកលេខខេមរភូមិន្ទ ន.ប និងរាជការកំពុងត្រូវបានប្រើប្រាស់យ៉ាងអនាធិបតេយ្យនៅប៉ោយប៉ែត
ថ្ងៃព្រហស្បត្ត៏ ទី៤ ខែធ្នូ ឆ្នាំ២០១៤ ម៉ោង ១១:៥០
កោះសន្តិភាព
បណ្តារថយន្តដែលពាក់ស្លាកខេមរភូមិន្ទ, ន.ប និងរាជការ មិនដឹងថាជាលេខសេះហោះ ឬបែបណាទេ
ក្រុងប៉ោយប៉ែត ៖ សម្តេចតេជោ ហ៊ុន សែន
ប្រមុខរាជរដ្ឋាភិបាលកម្ពុជាធ្លាប់បានព្រមានដល់មន្ត្រី
កងកម្លាំងប្រដាប់អាវុធ និងមន្ត្រីគ្រប់ស្ថាប័នពាក់ព័ន្ធទាំងអស់
ដែលនិយមប្រើប្រាស់ស្លាកលេខ ខ.ម (ខេមរភូមិន្ទ) ឬ ន.ប និងរាជការ
ជាដើម ត្រូវបញ្ឈប់ជាបន្ទាន់ព្រោះថា ស្លាកលេខទាំងនេះ
ជាកម្មសិទ្ធិរបស់រដ្ឋ
មិនអាចឱ្យបុគ្គលណាម្នាក់យកទៅប្រើប្រាស់លើយានយន្តដែលជា
កម្មសិទ្ធិផ្ទាល់ខ្លួនបានទ្បើយ ។ ជាមួយនឹងការព្រមាននេះ
ប្រមុខរាជរដ្ឋាភិបាល ក៏បានតម្រូវដែរថា
រថយន្តពាក់ស្លាកលេខខេមរភូមិន្ទ ដែលជាយានយន្តរបស់យោធា
ត្រូវតែមានពណ៌ត្រេអីុ ផ្ទុយទៅវិញ បច្ចុប្បន្ន
រថយន្តមិនមានពណ៌ត្រេអីុ ក៏គេកំពុងប្រើប្រាស់ដែរ
សម្រាប់គេចពីការបង់ពន្ធ ។
បញ្ហានេះជាប្រការអយុត្តិធម៌ណាស់
សម្រាប់ពលរដ្ឋត្រឹមត្រូវគោរពច្បាប់ ត្រូវប្រឈមការបង់ពន្ធ
តែក្រុមអ្នកបំពានច្បាប់ បែរជាធ្វើអ្វីក៏បានស្រេចតែចិត្ត។
ជាក់ស្តែង គេសង្កេតឃើញនៅតំបន់ជាយដែនកម្ពុជា-ថៃ
ទឹកដីអាណាចក្រក្រុងប៉ោយប៉ែត ខេត្តបន្ទាយមានជ័យ
មានរថយន្តស៊េរីទំនើបៗមួយចំនួន
នៅតែពេញនិយមពាក់ស្លាកលេខខេមរភូមិន្ទ នគរបាលជាតិ
និងស្លាកលេខរាជការដែលជាកម្មសិទ្ធិឯកជន ប្រើប្រាស់ព្រោងព្រាត
ស្ទើរពាសពេញក្រុងប៉ោយប៉ែត និងទូទាំងខេត្តតែម្តង បើកបង្អួតគេឯង
តែការពិតគឺភាគច្រើនជាស្លាកលេខសេះហោះ
ហើយរថយន្តខ្លះមិនបានទាំងបង់ពន្ធផ្លូវជូនរដ្ឋ
ឱ្យបានត្រឹមត្រូវទ្បើយ ។ ពួកគេខ្លះអាងខ្លួនជាអ្នកមានអំណាច
ឬក៏ខ្លួនជាមន្ត្រីរាជការនោះ
គឺគ្មាននរណាហ៊ានចាប់ឱ្យបង់ពន្ធទ្បើយ ។ បញ្ហាទាំងអស់នេះ
បានធ្វើឱ្យបាត់ចំណូលថវិការដ្ឋក្នុង១ឆ្នាំៗ រាប់សិបលានរៀល
ហើយក៏គ្មានអាជ្ញាធរមានសមត្ថកិច្ច
ឬក៏មន្ត្រីជំនាញណាមួយចាត់វិធានការទប់ស្កាត់ទ្បើយ ។
ពលរដ្ឋមានចម្ងល់ថា
តើហេតុអ្វីបានជាក្រុមជនស៊ីវិល
និងមន្ត្រីខ្លះចូលចិត្តប្រើប្រាស់ស្លាកលេខ
ដែលមានការហាមឃាត់ដូច្នេះទៅវិញ
ឬមួយក៏ពួកគេបំពាក់ដើម្បីគំរាមកំហែងដល់អ្នកដទៃ
ឬមួយក៏ងាយស្រួលក្នុងការប្រព្រឹត្តបទល្មើស ។ ព័ត៌មានខាងលើ
ល្មមដល់ពេលក្រសួង ស្ថាប័នពាក់ព័ន្ធ
ដែលមានតួនាទីឈរជើងនៅក្នុងតំបន់ជាយដែនកម្ពុជា-ថៃ ក្រុងប៉ោយប៉ែត
គិតគូរចាត់វិធានការទប់ស្កាត់ហើយ ឬមួយក៏ចាំឱ្យសម្តេចតេជោ ហ៊ុន
សែន នាយករដ្ឋមន្ត្រីមានបញ្ជាបានធ្វើ ?
No comments:
Post a Comment