ការងារ១០​មុខ​បាន​​​​​ប្រាក់​ខែ​ច្រើន​បំផុត​នៅ​កម្ពុជា ដែល​អ្នក​អាច​ត្រៀម​​សន្សឹម​ៗ​ទៅ​រក

ការងារ១០​មុខ​បាន​​​​​ប្រាក់​ខែ​ច្រើន​បំផុត​នៅ​កម្ពុជា ដែល​អ្នក​អាច​ត្រៀម​​សន្សឹម​ៗ​ទៅ​រក

មនុស្ស​គ្រប់​​គ្នា​​​តែង​ប្រាថ្នា​ការងារ ​ល្អ ​ប្រាក់​ចំណូល​ខ្ពស់​ ក្រោយ​បញ្ចប់​ការ​សិក្សា។ ​​​តែ​ត្រូវ​ច្បាស់​ថា ​ក្រុមហ៊ុន​​ដែល​អាច​ផ្ដល់​​អត្ថប្រយោជន៍​ឲ្យ​ខ្ពស់ ភាគ​ច្រើន​ទាល់​តែ​​ជា​ក្រុមហ៊ុន​មាន​លក្ខណៈ​អាជីព (professional) ហើយ​ក្រុម​ហ៊ុន​​មាន​ professional ក៏​ទាមទារ​​ឲ្យ​​បុគ្គលិក​​​​​​​មាន​កម្រិត​​​ professional ​មក​វិញ​ដូច​គ្នា។ ​​គេហំព័រ​អន្តរជាតិ​មួយ​បាន​ ​បង្ហាញ​​​ការងារ​​ថ្នាក់​គ្រប់​គ្រង​១០​មុខ​ដែល​មាន​ចំណូល​ខ្ពស់​បំផុត​នៅ​ កម្ពុជា៖
ប្រធាន​​ផ្នែក​ហិរញ្ញវត្ថុ​
​តួនាទី​​រ៉ាប់រង​​លើ​ លំហូរ​ហិរញ្ញវត្ថុ និង​​ គណនេយ្យ ដែល​ទាមទារ​បទពិសោធន៍​​ផ្នែក​ គណនេយ្យ​​ ឬ​ជំនាញ​គ្រប់​គ្រង​ច្បាស់​​។ ​
ប្រធាន​ផ្នែក​ធនធាន​មនុស្ស​
មនុស្ស ​ដ៏​មាន​ឯកទេស​​​លើ​​​​ការ​វាយ​​​តម្លៃ​និង​ជួល​បុគ្គលិក។ ​ជា​អ្នក​​កាន់​តួនាទី​ស្នូល​​​ រៀប​ចំ​គោលការណ៍​ផ្ទៃ​ក្នុង​​សម្រាប់​បុគ្គលិក​ រួម​មាន​កម្រិត​អត្ថប្រយោជន៍​សម្រាប់​បុគ្គលិក​ឲ្យ​ស៊ី​គ្នា​នឹង​​​ សេដ្ឋកិច្ច​របស់​ស្ថាប័ន​​​។ ​

ប្រធាន​ថ្នាក់​តំបន់​ (Country Manager)
បុគ្គល​ដែល​កាន់កាប់​ ការ​គ្រប់គ្រង​ប្រតិបត្តិការ​​ប្រចាំ​ថ្ងៃ​​គ្រប់​តំបន់​ ឬ​ផ្នែក​ទាំង​អស់​។

អាកាសយានិក​​ (ពីឡុត​​)
ទោះ ​ជា​វិស័យ​ជើង​ហោះហើរ​ពុំ​ទាន់​រីកចម្រើន​ខ្លាំង​នៅ​កម្ពុជា តែ​នេះ​ជា​ការងារ​​ដ៏​ពោរពេញ​ដោយ​ចំណាប់​អារម្មណ៍​​​ ដែល​ប្រជាជន​កម្ពុជា​មួយ​ចំនួន​​ប្រាថ្នា​ចង់​បាន​។

​អ្នក​ប្រឹក្សា​យោបល់​
ក្រុមហ៊ុន ​ ឬ គម្រោង​​ពាណិជ្ជកម្ម គម្រោង​ការងារ​ អ្វី​មួយ​ចាំ​បាច់​ណាស់​នូវ​ការ​ប្រឹក្សា​​ពី​ទំហំ​ការងារ​​​និង​ដំណើរការ​។ ​អ្នក​ឯកទេស​ប្រឹក្សា ​​ធ្វើ​ការងារ​ក្នុង​​​ពេល​​វេលា​កំណត់​ ដែល​​ក្រុមហ៊ុន​ត្រូវការ​​ដើម្បី​​ស្វែង​រក​វិធី​អភិវឌ្ឍ​ការងារ​របស់​​ពួក​ គេ។ ​ការ​ងារ​ប្រឹក្សា​ ត្រូវ​ប៉ាន់​បំផុត​ជាមួយ រដ្ឋាភិបាល និង អង្គការ​​មិន​រក​ប្រាក់​ចំណេញ​នានា​​ នៅ​ពេល​ពួក​​គេ​ត្រូវ​បង្កើត​​គម្រោង​​ថ្មីៗ។

នាយក​គ្រប់គ្រង​ទូទៅ​
វា ​ជា​តំណែង​ដែល​​ស្រដៀង​នឹង ​ប្រធាន​ថ្នាក់​តំបន់​ដែរ ប៉ុន្តែ​ភាគ​ច្រើន​​ ​​​ជា​បុគ្គល​ដែល​​​កាប់​ក្រុមហ៊ុន​ពាណិជ្ជកម្ម​​ផ្ទាល់​ខ្លួន​​ ឬ​ក៏​ស្ថាប័ន​​រកស៊ី​ក្នុង​ស្រុក​ជា​ដើម។
វេជ្ជបណ្ឌិត

សាមញ្ញ​ណាស់​ នរណា​ក៏​ដឹង​ដែរ​ថា វេជ្ជបណ្ឌិត នៅ​កម្ពុជា ​​​ភាគ​ច្រើន​​​ជា​មនុស្ស​សម្បូរ​លុយ​កាក់។ ក្រៅ​ពី​ធ្វើ​ការ​នៅ​តាម​មន្ទីរ​​ពេទ្យ​​​រដ្ឋ អាច​បើក​​​​ឬ​ធ្វើ​​ការ​បន្ថែម​នៅ គ្លីនិក​ ឯក​ជន​ទៀត ហើយ​មួយ​ឆ្នាំ​ទៅ​មួយ​​ឆ្នាំ​កំណើន​ គ្លីនិក ​បាន​ធ្វើ​ឲ្យ​ការងារ​​​វេជ្ជបណ្ឌិត​កាន់​តែ​រីក​ចម្រើន​ទៅ​ៗ​។
ប្រធាន​គម្រោង​
ជា ​បុគ្គល​មាន​ជំនាញ​ និង​ចំណេះ​ដឹង​​ខ្លាំង​ខាង ​ស្វែង​រក​​មូលនិធិ​ គ្រប់​គ្រង​​ហិរញ្ញវត្ថុ​​ ពូកែ​​រៀប​ចំ​សំណើ​​​​​នានា​។ មិន​តែ​ប៉ុណ្ណោះ​​ត្រូវ​មាន​​ភាព​ស្ទាត់​ជំនាញ​​លើ​ឯកទេស​វាយ​តម្លៃ​គម្រោង និង​​ធ្វើ​របាយការណ៍​។ ​
​ប្រធាន​ផ្នែក IT
ជា​ក្បាល​ម៉ាស៊ីន​នៃ​ហេដ្ឋារចនាសម្ពន្ធ​​ ​ប្រព័ន្ធ​បច្ចេកវិទ្យា​​នៅ​តាម​ស្ថាប័ន​ក្រុមហ៊ុន​។ ​
ប្រធាន​​ធនាគារ​
​ តួនាទី​ដែល​ត្រូវ​ការ​ការ​​រឹតត្បិត​​​​ធានា​​លើ​​ប្រតិបត្តិការ​​ប្រចាំ​ ថ្ងៃ​​របស់​​​ធនាគារ​​ និង​សាខា​ដែល​ធនាគារ​មាន​។ ​ជា​បុគ្គល​​កាន់កាប់​​គ្រប់​ការងារ​គ្រប់​គ្រង រួម​ទាំង​​ទំនាក់ទំនង​ជាមួយ​ធនាគារ​កណ្ដាល​។
អ្នក ​ស្រី ស៊ុយ សុខា ប្រធាន​ជ្រើសរើស​បុគ្គលិក​នៃ ក្រុមហ៊ុន HR Inc ​​​​​​លើក​ឡើង​ថា​​តំណែង​ថ្នាក់​គ្រប់គ្រង​​ មាន​​៣​កម្រិត​​ យោង​តាម​​បទ​ពិសោធន៍​ ហើយ​ប្រាក់​បៀវត្ស​ក៏​ខុស​គ្នា​តាម​លំដាប់​។ ​អ្នក​ស្រី​​ថា​ កម្រិត Junior ​ទាមទារ​បទពិសោធន៍​​ចន្លោះ​ពី​​៤​ទៅ​​៦​ឆ្នាំ​ ដែល​អាច​​ទទួល​ប្រាក់​ខែ​​​ក្បែរ​៨០០​ទៅ ១០០​​​​០ដុល្លារ​។ កម្រិត កណ្ដាល​ ​អាច​មាន​​បទ​ពិសោធន៍​​​ពី​ ​៥​ទៅ​៨​ឆ្នាំ ជាមួយ​ប្រាក់​ខែ​ចន្លោះ​ពី​ ១០០០​​ទៅ​១៨​០០​ដុល្លារ ខណៈ​ដែល​អ្នក​គ្រប់គ្រង​កម្រិត​ខ្ពស់​​​ ចាំ​បាច់​មាន​បទ​ពិសោធន៍​​រង្វង់​​១០​ឆ្នាំ​ឡើង ហើយ​ភាគ​ច្រើន​​ប្រាក់​ខែ​សម្រាប់​ក្រុម​អ្នកគ្រប់​គ្រង​ផុត​លេខ​នេះ ​​អាច​​មាន​ចន្លោះ​ពី ២​ទៅ​៥​ពាន់​ដុល្លារ​។ ​​
“ ​ការ​ជ្រើសរើស​ថ្នាក់​គ្រប់គ្រង យើង​​​​​​​​សង្កត់​ទៅ​លើ​​​ធាតុ​ផ្សំ​ស្នូល​​​៤​យ៉ាង​​ គឺ KESA។ K (Knowledge) ​ចំណេះដឹង, E (Experience) បទ​ពិសោធន៍​​ការងារ​, S (Skill) ​ភាព​​ស្ទាត់​ជំនាញ​​ការងារ និង A (Attitude) ​ឥរិយាបថ​ជា​អ្នក​គ្រប់គ្រង”​។ អ្នក​ស្រី ស៊ុយ សុខា​បន្ថែម​ពី​​​​អ្វី​ដែល​អ្នក​គ្រប់​ត្រូវ​មាន​៕
អត្ថបទ៖ ប៉ែន សុផាន់ណា​​​