យកចិត្តទុកដាក់បង្ការជំងឺមហារីកមាត់ស្បូន យុវតីកម្ពុជាមិនគួរមើលរំលង
យកចិត្តទុកដាក់បង្ការជំងឺមហារីកមាត់ស្បូន យុវតីកម្ពុជាមិនគួរមើលរំលង
តាមការស្រាវជ្រាវរបស់អង្គការសុខភាពពិភពលោកឃើញថា ប្រទេសកម្ពុជាមានអត្រានៃការស្លាប់ដោយកើតជំងឺមហារីកមាត់ស្បូន ខ្ពស់ជាងគេបំផុត នៅក្នុងតំបន់អាស៊ីអាគ្នេយ៍។ នៅក្នុងស្រុកខ្មែរផ្ទាល់ មហារីកមាត់ស្បូននាំមុខគេក្នុងចំណោមជំងឺមហារីកទាំងអស់ ដែលកើតលើស្ត្រី។ វាជាឃាតកលេខមួយ ដូច្នេះហើយក្រសួងសុខាភិបាល និងមន្ទីរពេទ្យកាល់ម៉ែត ព្រមទាំងស្ថាប័នយុវជនមួយចំនួនចូលរួមបង្កើតយុទ្ធនាការនានាដើម្បី កាត់បន្ថយជំងឺមហារីកមាត់ស្បូននេះ។
តាមប្រសាសន៍វេជ្ជបណ្ឌិត ហាវ មនីរត្ន ប្រធានផ្នែកវិភាគកោសិកាមហារីក នៃមន្ទីរពេទ្យកាល់ម៉ែតបានឲ្យដឹងថា ក្រុមស្ត្រីដែលប៉ះពាល់ខ្លាំង( ប្រឈមនឹងជំងឺមហារីកមាត់ស្បូន) ច្រើនស្ថិតក្នុងចន្លោះអាយុ៣០-៥០ឆ្នាំ។
ក្នុង ដំណាក់កាលដំបូងៗជំងឺនេះគ្មានរោគសញ្ញាអ្វីទាំងអស់ គឺធម្មតាៗ លុះត្រាតែបំបៅនោះស៊ីធំហើយទើបធ្លាក់ឈាម ដែលជាដំណាក់កាលជួយលែងបាន អាចឲ្យអ្នករងគ្រោះធ្លាក់ឈាមរហូតដល់ស្លាប់។
គ្រោះថ្នាក់នៃ ជំងឺនេះ ក្រៅពីប៉ះពាល់ផ្ទាល់លើសុខភាពស្ត្រី ផលប៉ះពាល់វាពីរយ៉ាងសំខាន់ទៀតគឺគ្រួសារ និងសង្គមជាតិ។
វិធីបង្ការ
វាមានប្រសិទ្ធភាពស្ទើរតែ១០០% តាមរយៈវិធីសាស្ត្រសង្ការដូចខាងក្រោម៖
@ កាលណាមេរោគនេះឆ្លងចូលដល់មាត់ស្បូនស្ត្រី វានឹងកើតជាជំងឺមហារីក ដូច្នេះត្រូវចាក់វ៉ាក់សាំងប្រឆាំងនឹងមេរោគ (Human Papilloma Virus( HPV))។
ដូចនេះស្ត្រីអាយុចាប់ពី៩-២០ឆ្នាំ មុនពេលរៀបការ គួរចាក់វ៉ាក់សាំងដើម្បីឲ្យមានប្រសិទ្ធភាពប្រឆាំងនឹងមេរោគនេះ។ ឯស្ត្រីដែលរៀបការរួច គួរធ្វើការពិនិត្យមាត់ស្បូន ដោយពិនិត្យរកថាតើគាត់មានឆ្លងឬអត់ និងពិនិត្យកោសិកាមាត់ស្បូន។
ប្រសិនបើអ្នកជំងឺឆ្លងហើយ តើកោសិកាមាត់ស្បូននៅធម្មតា ឬប្រែប្រួលដល់ដំណាក់កាលមហារីក ឬយ៉ាងណា។
ប្រសិន បើដំណាក់កាលដំបូងៗ គឺគេអាចព្យាបាលជា មុនពេលវាចេញរោគសញ្ញាធ្លាក់ឈាម។ បើទុកដល់វាធ្លាក់ឈាមហើយ គឺមិនអាចជួយបានឡើយ។
សូមឲ្យស្ត្រីដែលមានអាយុចន្លោះពី៩ -២០ ឆ្នាំមុនពេលរៀបការ សូមឲ្យពួកគាត់ទៅធ្វើការចាក់វ៉ាក់សាំងប្រឆាំងនឹងមេរោគមហារីកនេះ ហើយស្ត្រីដែលរៀបការរួច សូមទៅពិនិត្យមាត់ស្បូនយ៉ាងហោច៣-៥ឆ្នាំម្ដង៕
-ចង់ដឹងថា “ការដាំត្បូងលើធ្មេញផ្ដល់ផលប៉ះពាល់អត់?” សូមចុចត្រង់នេះ។
អត្ថបទ៖ លឹម សុនា
No comments:
Post a Comment