បើកូរ៉េខាងត្បូង និងខាងជើងរួបរួមគ្នា តើត្រូវចំណាយថវិកាអស់ប៉ុន្មាន?
បើកូរ៉េខាងត្បូង និងខាងជើងរួបរួមគ្នា តើត្រូវចំណាយថវិកាអស់ប៉ុន្មាន?
ដោយសារតែបែបនេះហើយ កូរ៉េខាងត្បូង និង ខាងជើង មិនដែលត្រូវគ្នាម្តងណា ពោលគឺតែងតែប្រឈមភាពតានតឹងដាក់គ្នា។ កាលពីពេលថ្មីៗនេះ ប្រធានាធិបតីកូរ៉េខាងត្បូង គឺ លោក ស្រី Park Geun-hye បានសង្ឃឹមថា ឆ្នាំថ្មី២០១៥ នេះ កូរ៉េទាំងពីរ នឹងអាចមានលទ្ធភាពចរចាគ្នាដើម្បីឈានទៅដល់ការរួបរួមឡើងវិញ បន្ទាប់ពីបែកបាក់គ្នាអស់រយៈពេលជាច្រើនឆ្នាំ។
រហូតមកទល់នឹងពេលនេះ មានអ្នកវិភាគជាច្រើនកំពុងសន្និដ្ឋានថាកូរ៉េទាំងពីរអាចនឹងរួបរួម គ្នានៅថ្ងៃណាមួយ ប៉ុន្តែយ៉ាងណាក៏ដោយ វាត្រូវការចំណាយថវិកាអស់ជាច្រើនមិនខាន។ មុននឹងនិយាយអំពីការចំណាយចំពោះការបង្រួបបង្រួមរវាងកូរ៉េខាងជើង និង ខាងត្បូង គេត្រូវមើលករណីជាក់ស្តែងនៅអាល្លឺម៉ង់ជាមុនសិន។ ការបង្រួបបង្រួមរវាងអាល្លឺម៉ង់ខាងលិច និង ខាងកើត កាលពីឆ្នាំ ១៩៩០ត្រូវចំណាយថវិកាអស់រហូតដល់ ២ ពាន់ពាន់លានដុល្លារអាមេរិក($ 2 trillions) ក្នុង រយៈពេល ២០ ឆ្នាំ។
ការចំណាយច្រើនបែបនេះ ក៏ដោយសារតែសេដ្ឋកិច្ចរបស់ប្រទេសទាំងពីរនេះ ខុសគ្នាខ្លាំងពេក ពោលគឺ អាល្លឺម៉ង់ខាងលិច ដែលស្ថិតក្រោមឥទ្ធិពល អាមេរិកនោះគឺជាគឺមានសេដ្ឋកិច្ចរីកចម្រើន ហើយជីវភាពប្រជាជនក៏មានលក្ខណៈប្រសើរ ចំណែកអាល្លឺម៉ង់ខាងកើតវិញ ដែលស្ថិតក្រោមឥទ្ធិពលសូវៀតនោះ គឺ មិនមានសេដ្ឋកិច្ចល្អនោះទេ។ ហេតុដូច្នេះហើយ ក្នុងពេលដែលប្រទេសទាំងពីររួបរួមគ្នានោះ រដ្ឋាភិបាលត្រូវចំណាយថវិកាជាច្រើនដើម្បី ពង្រឹងតំបន់ដែលខ្សោយ។
បើតាមការសន្និដ្ឋានរបស់ គណៈកម្មាធិការសេវាហិរញ្ញវត្ថុ (FSC) របស់កូរ៉េខាងត្បូងឲ្យដឹងថា ប្រសិនបើ កូរ៉េទាំងពីររួបរួមគ្នាមែននោះ គឺ ត្រូវចំណាយថវិកាចំនួន ៥០០ ពាន់លានដុល្លារអាមេរិក ក្នុង រយៈពេល ២០ ឆ្នាំ។ មានន័យថា រដ្ឋាភិបាលកូរ៉េត្រូវចំណាយ ចំណាយលុយដ៏ច្រើនបែបនេះក្នុងរយៈពេល ២០ ឆ្នាំដើម្បីបំប៉នដល់ពង្រឹងសេដ្ឋកិច្ចនៅភាគខាងជើង (កូរ៉េខាងជើង)។
...កូរ៉េខាងជើង៖ ការបដិសេធរបស់អាមេរិកទៅនឹងសំណើរបស់ខ្លួនគឺជារឿងមិនអាចទទួលយកបាន...
ប៉ុន្តែនេះ គ្រាន់តែជាការវាយតម្លៃមួយប៉ុណ្ណោះ ហើយការពិតគេមិនទាន់ដឹងថា ត្រូវចំណាយថវិកាប៉ុន្មានឲ្យប្រាកដឡើយ ព្រោះថា កូរ៉េខាងជើងមិនដែលបង្ហាញរបាយការណ៍នៃចំនួនផលិតផលក្នុងស្រុកសរុប ( GDP) តាំងពីឆ្នាំ ១៩៦៥ មកម្ល៉េះ។ បើតាមការវាយតម្លៃមួយចំនួនផ្សេងពីប្រភពខាងលើ ឲ្យដឹងថា ប្រសិនបើប្រទេសទាំងពីររួបរួមគ្នាមែន យ៉ាងហោចណាស់ក៏ត្រូវចំណាយ ៥ ពាន់ពាន់លានដុល្លារអាមេរិក ក្នុងរយៈពេល ២០ ឆ្នាំ ព្រោះ ថា ស្ថានភាពសេដ្ឋកិច្ចកូរ៉េខាងជើងគឺ ខ្សោយមែនទែន៕
ប្រែសម្រួល៖ រស្មី
ប្រភព៖ bloomberg.com
No comments:
Post a Comment