ភាពយន្តខ្នាតធំបំផុតប្រចាំឆ្នាំ២០១៤ ត្រៀមចេញថត
ភាពយន្តខ្នាតធំបំផុតប្រចាំឆ្នាំ២០១៤ ត្រៀមចេញថត
ដើម្បីផ្ដល់ចំណីចក្ខុដល់ប្រិយមិត្តអ្នកទស្សនា និងរួមចំណែកលើកស្ទួយសិល្បៈភាពយន្តរបស់ជាតិ ភាពយន្តខ្នាតធំបំផុតមួយ ត្រៀមនឹងចាប់ផ្តើមថតនៅប៉ុន្មានថ្ងៃខាងមុខនេះ មុនពេលចាក់បញ្ចាំងនៅអំឡុងខែសីហាខាងមុខ។ នេះបើតាមលោក លី ចាន់ឌី អ្នកនិពន្ធ និងដឹកនាំរឿងអះអាង។
លោក គល់ ដារ៉ាចាន់ដាំ(អាវខ្មៅ)ចាងហ្វាងផលិតកម្ម Eye Love Film ក្នុងថ្ងៃក្រុងពាលី
លោក
លី ចាន់ឌី ដែលបានសហការដឹកនាំសម្ដែងជាមួយលោក ស៊ុន សន្ដោស ផងនោះ
បានបន្តថា “កូនខ្ញុំចម្លែក” ជាភាពយន្តខ្មោចសម័យថ្មី
ដែលមានគ្រប់រសជាតិ មនោសញ្ចេតនាស្នេហាបែបយុវវ័យ និងកំប្លែងសើចសប្បាយហៀរទឹកភ្នែក។ លោកអះអាងថា ប្រិយមិត្តពិតជាមិនខកបំណងឡើយ ដោយក្នុងនោះក្រៅពីខ្លឹមសារ តួសម្ដែងល្បីៗ ភាពយន្តនេះមានប្រើបច្ចេកទេសថតប្រភេទ 3D នៅឈុតឆាកនីមួយៗផង។
ភាពយន្តខ្នាតធំ “កូនខ្ញុំចម្លែក” គឺស្ថិតក្រោមការផលិតរបស់ផលិតកម្ម Eye Love Film ដែលជាផលិតថ្មីមួយក្នុងស្រុក។ ភាពយន្តនេះ គ្រោងនឹងចាប់ផ្តើមដំណើរការថតនៅថ្ងៃទី ០៦ មិថុនា ខាងមុខនេះ ក្រោយពីបានធ្វើក្រុងពាលីសុំសេចក្តីសុខដល់ក្រុមការងារកាលពី ថ្ងៃទី ០១ មិថុនា ចុងសប្ដាហ៍មុននេះ។
លោក គល់ ដារ៉ាចាន់ដាំ ជាចាងហ្វាងផលិតកម្ម បានអះអាងថា នេះជារឿងដំបូងសម្រាប់
ផលិតកម្ម របស់លោក។ ដូច្នេះហើយ គុណភាព ដែលមានទាំងរូបភាព សំឡេង និងបច្ចេកទេសកាត់តផង គឺជារឿងចាំបាច់បំផុតដែលក្រុមការងារលោកផ្ដោតការយកចិត្តទុក ដាក់ ដើម្បីបើកទំព័រប្រវត្តិសាស្ត្រដ៏ល្អមួយរបស់ Eye Love Film។
លោក ស៊ុន សន្តោស (អាវស) និងលោក លី ចាន់ឌី(អាវការ៉ូ) ក្នុងពិធីក្រុងពាលី(រូបទី១)
ជាមួយ
នឹងការតាំងចិត្តសម្រិតសម្រាំងគុណភាពនេះ លោក ដារ៉ាចាន់ដាំ
នៅបានអះអាងថា ភាពយន្ត “កូនខ្ញុំចម្លែក”
របស់លោកមានកត្តាអំណោយផលមួយចំនួនរួចហើយ
ដូចជាការប្រើប្រាស់ឧបករណ៍សម្រាប់ផលិតសុទ្ធតែទំនើបៗនាំចូលពី
បរទេស រួមទាំងតួសម្ដែងទៀតសោត
សុទ្ធតែជាតួល្បីៗក្នុងចង្កោមយុវវ័យ
និងមានបទពិសោធន៍ខ្ពស់ថែមទៀតផង។“កូន ខ្ញុំចម្លែក” ចូលរួមដោយតារាប្រុសស្រីមានសក្ដានុពលជាច្រើន ដោយមានទាំង Freshie Boy & Girl ប្រចាំឆ្នាំ ២០១៤នេះ ក្នុងនោះមាន លោក ខាត់ វៃហាំង តារាប្រុសដែលលេចធ្លោក្នុងស្ប៉តពាណិជ្ជកម្មហុងដា២០១៤ រួមទាំងកញ្ញា សេង គ័ន Freshies លេខ៣ ឆ្នាំ២០១៤ កញ្ញា សៀ សក្ដិរុណា និងតារាល្បីៗជាច្រើនរូបទៀត ជាមួយនឹងសមាជិកនៃក្រុមកំប្លែង CTN ផង៕
តួសម្ដែង និងក្រុមការងារថតរឿង “កូនខ្ញុំចម្លែក”(រូបទី៣)
កញ្ញា សេង គ័ន តួឯកស្រី
No comments:
Post a Comment