បាក់ឌុបឆ្នាំនេះ កុំសង្ឃឹមរឿងបែកធ្លាយវិញ្ញាសា ព្រោះរដ្ឋមន្ត្រីអប់រំជាអ្នកកាន់ផ្ទាល់
បាក់ឌុបឆ្នាំនេះ កុំសង្ឃឹមរឿងបែកធ្លាយវិញ្ញាសា ព្រោះរដ្ឋមន្ត្រីអប់រំជាអ្នកកាន់ផ្ទាល់
ការគ្រប់គ្រងវិញ្ញាសា លើមុខវិជ្ជានិមួយៗ សម្រាប់ ពេលប្រលងសញ្ញាបត្រមធ្យមសិក្សាទុតិយភូមិ (បាក់ឌុប) ឆ្នាំនេះគឺមានការរឹតបន្តឹងជាងឆ្នាំមុនៗ ខណៈរដ្ឋមន្ត្រីក្រសួងអប់រំ យុវជន និងកីឡា គឺជាអ្នកទទួលបន្ទុករៀបចំលើមុខវិជ្ជាមួយចំនួន។ ក្រៅពីនោះមានរដ្ឋលេខាធិការក្រសួង ថ្នាក់ដឹកនាំ និងថ្នាក់ប្រធាននាយកដ្ឋានមួយរូបជាអ្នកទទួលខុសត្រូវផ្ទាល់ តែម្តង។ 
មាន
ប្រសាសន៍ ក្នុងវិធីជីវិតយើង សង្គមយើងរបស់ស្ថានីយវិទ្យុជាតិ
លោក ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា
បានថ្លែងថា វិធានការថ្មីនេះ
ត្រូវបានដាក់ចេញ ដើម្បីឆ្លើយតបចំពោះសាធារណៈមតិ
ដែលតែងលើកឡើងពីការបែកធ្លាយវិញ្ញាសា
អំឡុងពេលប្រលងសញ្ញាបត្រមធ្យមសិក្សាទុតិយភូមិ(បាក់ឌុប)។
“មុខវិជ្ជាខ្មែរ និងប្រវត្តិខ្ញុំជាអ្នកទទួលបន្ទុក
ចំណែកអង់គ្លេស និងបារាំងមានម្នាក់ជាទទួលបន្ទុក
ដែលខ្ញុំជាអ្នកត្រួតពិនិត្យ។ ចំណែកមុខវិជ្ជាផេ្សងទៀតមាន
រដ្ឋលេខាធិការ ថ្នាក់ដឹកនាំ
និងប្រធាននាយកដ្ឋានម្នាក់ជាអ្នកទទួលខុសត្រូវ។
អញ្ចឹងកាលមុនមានអ្នកធ្វើច្រើននាក់
អត់មានអ្នកទទួលខុសត្រូវទេ។
ឥឡូវមានអ្នកទទួលខុសត្រូវច្បាស់លាស់។
ដូច្នេះមិនអាចបែកធ្លាយវិញ្ញាសាបានឡើយ”។
ការប្រលងសញ្ញាបត្រ
មធ្យមសិក្សាទុតិយភូមិ(បាក់ឌុប) នឹងប្រព្រឹត្តិទៅនៅថ្ងៃទី៤-៥
ខែសីហា ឆ្នាំ២០១៤ ខាងមុន ក្នុងនោះមាន បេក្ខជនចំនួន ៩៣៤៥៦ នាក់
ចូលរួមប្រលង ដោយចែកចេញជា ១៥៤ មណ្ឌល និង ៣៧៧៩ បន្ទប់។
កាលពីឆ្នាំ២០១៣ មានបេក្ខជនប្រឡងចំនួន ១០.៥២៩៧ នាក់
ក្នុងនោះប្រលងជាប់ចំនួន ៩១៣៧០ នាក់ស្មើនឹង៨៦,៧៧ភាគរយ៕
No comments:
Post a Comment