សមាជិកភ្នំពេញក្រោន Adriano ថា កម្ពុជាជាកន្លែងគួររស់នៅហួសពីការរំពឹងទុក
សមាជិកភ្នំពេញក្រោន Adriano ថា កម្ពុជាជាកន្លែងគួររស់នៅហួសពីការរំពឹងទុក
កីឡាករឆ្នើមរបស់ភ្នំពេញក្រោន Adriano Pellegrino ពេញចិត្តរស់នៅប្រទេសកម្ពុជាលើសពីការពឹងទុក បន្ទាប់ពីបានមកស្នាក់នៅទីក្រុងភ្នំពេញបានរយៈពេលប៉ុន្មានខែចុង ក្រោយនេះ ជាពិសេសក្រោយពេលជួយក្លិបភ្នំពេញក្រោនឲ្យឈ្នះពានបាល់ទាត់លីក កំពូលកម្ពុជា។
Adriano ពេល បង្ហាញខ្លួន លើក ដំបូង នៅ ភ្នំពេញ ក្រោន
អតីតយុវជន ជម្រើសជាតិអូស្ត្រាលីរូបនេះបានរៀបរាប់ថា ៖«ក្រោយមកដល់កម្ពុជា ទីនេះជាកន្លែងមួយដែលមានលក្ខណៈបើកទូលាយ ហើយជីវិតបាល់ទាត់របស់ខ្ញុំស្មើនឹងពាក់កណ្ដាលពេលខ្ញុំនៅប្រទេស អូស្ត្រាលីទៅហើយ»។
លោកបន្តថា ៖«កម្ពុជាជាកន្លែងចម្រុះដោយជាតិសាសន៍ មានជនជាតិអឺរ៉ុប និងលោកខាងលិចច្រើន មានវប្បធម៌លោកខាងលិច ទាំងអាហារក៏មានបែបអឺរ៉ុប ហើយជាកន្លែងដែលស្រួលរស់នៅ អាចនិយាយបានថា ស្មើនឹងពាក់កណ្ដាលនៃទីក្រុងបាងកក។ ខ្ញុំរំពឹងថា ប្រាំឆ្នាំទៀតកម្ពុជានឹងកាន់តែបើកទូលាយច្រើនជាងនេះ ហើយនឹងរីកចម្រើនខ្លាំង»។
កីឡាករដែលមានដើមកំណើតជាជនជាតិ អូស្ត្រាលីរូបនេះពន្យល់ថា ៖ «ប្រជាជនកម្ពុជាមានភាពស្និទ្ធស្នាល ស្មោះត្រង់ ចេះជួយទុក្ខធុរៈ និងរួសរាយរាក់ទាក់ណាស់»។
បន្ទាប់ ពីបានមករស់នៅភ្នំពេញបានប៉ុន្មានខែ Adriano Pellegrino បានប្រៀបវិស័យកីឡាបាល់ទាត់កម្ពុជានឹងបាល់ទាត់នៅប្រទេសម៉ាឡេស៊ី ជាកន្លែងដែលធ្លាប់រស់នៅ៩ខែ។ លោកថា ៖«ខ្ញុំគិតថា បាល់ទាត់កម្ពុជា និងម៉ាឡេស៊ីមិនសូវខុសគ្នាខ្លាំងទេ តែស្តង់ដារបាល់ទាត់នៅកម្ពុជា កីឡាករ និងបច្ចេកទេស ផ្លូវចិត្ត និងឥរិយាបថល្អ។ ពេលខ្ញុំមកទីនេះ ខ្ញុំឃើញកីឡាករម្នាក់ៗមានទេពកោសល្យខ្ពស់ដូចជា កុម្ភៈ បូរី ផេង និងយ៉ាទីជាដើម»។
ខ្សែបម្រើឆ្នើមរូបនេះបន្ថែមថា លោកនឹងទៅទស្សនាប្រាសាទអង្គរឲ្យខាងតែបាន ដោយសារតែភាពល្បីល្បាញនៃតំបន់នោះធ្វើឲ្យខ្លួនមិនអាចមើលរំលង បាន។ លើសពីនេះ គេក៏ចូលចិត្តការស្ទូចត្រីកម្សាន្តផងដែរ ដូច្នេះទីនេះគឺជាកន្លែងសាកសមបំផុត ដែលគេនឹងត្រូវធ្វើវា។
Pellegrino ទើបតែចូលមកលេងឲ្យក្លិបភ្នំពេញក្រោននៅជើងទីពីរនៃពានរង្វាន់ បាល់ទាត់លីកកំពូលកម្ពុជារដូវកាល២០១៤។ សម្រាប់ការបង្ហាញខ្លួន៩ប្រកួត លោកបានទាត់ចូលទីបាន៣គ្រាប់ និង ជួយបញ្ជូនបាល់ឲ្យដៃគូស៊ុតចូលទីចំនួន១១គ្រាប់ដែលចាប់ពីការ បង្ហាញខ្លួនរបស់លោកមក ក្លិបភ្នំពេញក្រោនមិនដែលស្គាល់ពាក្យបរាជ័យរហូតដល់ឈ្នះពានទើប ចាញ់មួយប្រកួតកាលពីសប្តាហ៍មុន៕
Adriano បណ្តើរបាល់លើទីលាន
Adriano (អាវក្រហម)ពេលភ្នំពេញ ក្រោនឈ្នះត្រាយអាស៊ី ២-១ កន្លងមក
No comments:
Post a Comment