AFF U16៖ មិនគួរឲ្យជឿ ថៃ ឈ្នះ អូស្ត្រាលី ៣-២ ឡើងផ្តាច់ព្រ័ត្រជួប មីយ៉ាន់ម៉ា
ក្រុមខ្លាំងអូស្ត្រាលីមិនបានឡើងទៅវគ្គផ្តាច់ព្រ័ត្រនៃពាន AFF BIDC Championship 2015 បានទេ បន្ទាប់ពីក្រុមថៃយកឈ្នះដោយលទ្ធផល ៣-២ នៅវគ្គពាក់កណ្តាលផ្តាច់ព្រ័ត្រមុននេះបន្តិចនៅពហុកីឡដ្ឋានជាតិ។
ក្រុម U16 ថៃ
សម្រាប់ការប្រកួតនេះក្រុមថៃធ្វើបានយ៉ាងខ្លាំងល្អ ទោះបីជាអូស្ត្រាលីវាយសម្រុកយ៉ាងណាក៏ដោយ។ នៅតង់ទីមួយ ក្រុមទាំងពីរមិនអាចរកគ្រាប់ចូលទីគ្នាបានឡើយ។ ប៉ុន្តែនៅដើមតង់ទីពីរ ថៃទទួលបានបាល់ដាច់មាត់ញឹកញាប់ ហើយទម្លាយសំណាញ់ទីក្រុមអូស្ត្រាលីរហូតដល់ទី៣គ្រាប់ស្ទើរមិនគួរឲ្យជឿ។
បន្ទាប់ថៃនាំមុខ៣-០ ហើយនោះ ក្រុមអូស្ត្រាលីបានព្យាយាមវាយសម្រុកយ៉ាងខ្លាំងរហូតទទួលបានបាល់ពិន័យមួយ និងទាត់ចូលទីថៃបានសម្រេច។ បន្ទាប់មកអូស្ត្រាលីស៊ុតចូលបាន១គ្រាប់ទៀតដើម្បីតាមពីក្រោយ ៣-២។ ប្រហែលជា១០នាទីចុងក្រោយ អូស្ត្រាលីនៅតែបន្តសម្រុក ប៉ុន្តែអ្វីៗហួសពេលអស់ហើយ។ ចប់៩០នាទី ថៃឈ្នះអូស្ត្រាលី ៣-២។
នៅថ្ងៃអាទិត្យនេះ វគ្គផ្តាច់ព្រ័ត្រ ក្រុមថៃនឹងជួបក្រុមមីយ៉ាន់ម៉ាដែលបានយកឈ្នះក្រុមឡាវដោយលទ្ធផល ១-០ ខណៈអូស្ត្រាលីជួបឡាវដើម្បីដណ្តើមយកលេខ៣៕
ក្រុម U16 មីយ៉ាន់ម៉ា
ក្រុម U16 ឡាវ
ក្រុម U16 អូស្ត្រាលី
អត្ថបទ៖ ជាន ចាន់រ៉ា
No comments:
Post a Comment