U16 ថៃជាជើងឯក AFF U16 Championship 2015 លើទឹកដីកម្ពុជា
ក្រុមយុវជនថៃបានក្លាយជាម្ចាស់ជើងឯកពានរង្វាន់យុវជន AFF BIDC U16 Championship 2015 បន្ទាប់ពីបានលត់ក្រុមមីយ៉ាន់ម៉ាដោយលទ្ធផល ៣-០ នៅពហុកីឡដ្ឋានជាតិដែលទើបបញ្ចប់ទៅមុននេះបន្តិច។
សម្រាប់ការប្រកួតវគ្គផ្តាច់ព្រ័ត្រនេះ ក្រុមមីយ៉ាន់ម៉ាមិនអាចទម្លាយសំណាញ់ទីរបស់ក្រុមថៃបានឡើយ បើទោះជាបានព្យាយាមវាយសម្រុកខ្លាំងយ៉ាងណាក៏ដោយ។ ផ្ទុយទៅវិញថៃបានទម្លាយសំណាញ់ទីរបស់មីយ៉ាន់ម៉ាគ្រាប់ដំបូងនៅតង់ទី១ និងបន្ថែមពីរគ្រាប់ទៀតនៅចុងតង់ទី២។ ចប់ការប្រកួតថៃឈ្នះមីយ៉ាន់ម៉ាដោយលទ្ធផល៣-០ ដើម្បីគ្រងតំណែងជើងឯកសម្រាប់ឆ្នាំ២០១៥ និងជាលើកទី៣ដែលយុវជនជម្រើសជាតិថៃឈ្នះពាននេះ ខណៈក្រុមមីយ៉ាន់ម៉ាបានត្រឹមជើងឯករង។
ក្រុមលេខ៣បានទៅក្រុមយុវជនអូស្ត្រាលី បន្ទាប់ពីបានបំបាក់ក្រុមឡាវយ៉ាងចាស់ដៃដោយលទ្ធផល១០-២។ ចំពោះក្រុមឡាវទទួលបានត្រឹមចំណាត់ថ្នាក់លេខ៤។
ក្រុមចំណាត់ថ្នាក់លេខ១៖ ក្រុមថៃ ទទួលបានពានមួយ និងមេដាយមាស
ក្រុមចំណាត់ថ្នាក់លេខ២៖ មីយ៉ាន់ម៉ា ទទួលបានមេដាយប្រាក់
ក្រុមចំណាត់ថ្នាក់លេខ៣៖ អូស្ត្រាលី ទទួលបានមេដាយសំរឹទ្ធ
ក្រុម Fair Play ៖ មីយ៉ាន់ម៉ា ទទួលបានពានមួយ
ក្រុមអាជ្ញាកណ្តាលល្អទទួលបានពានមួយ
ក្រុមចំណាត់ថ្នាក់លេខ២៖ មីយ៉ាន់ម៉ា ទទួលបានមេដាយប្រាក់
ក្រុមចំណាត់ថ្នាក់លេខ៣៖ អូស្ត្រាលី ទទួលបានមេដាយសំរឹទ្ធ
ក្រុម Fair Play ៖ មីយ៉ាន់ម៉ា ទទួលបានពានមួយ
ក្រុមអាជ្ញាកណ្តាលល្អទទួលបានពានមួយ
ពានរង្វាន់យុវជន AFF BIDC U16 Championship 2015 នេះបានចាប់ផ្តើមតាំងពីថ្ងៃទី២៧ ខែកក្កដា រហូតដល់ថ្ងៃទី៩ ខែសីហា នេះដែលកម្ពុជាទទួលធ្វើជាម្ចាស់ផ្ទះ។ សម្រាប់ព្រឹត្តិការណ៍ឆ្នាំ២០១៥នេះមានប្រទេសចំនួន១១គឺម្ចាស់ផ្ទះកម្ពុជា សិង្ហបុរី មីយ៉ាន់ម៉ា ហ្វីលីពីន អូស្ត្រាលី ថៃ មីយ៉ាន់ម៉ា ឡាវ វៀតណាម ទីម័រខាងកើត និង ប៊្រុយណេ៕
No comments:
Post a Comment