បវរកញ្ញាកូរ៉េ ២០១៤ បានទាំងសម្រស់ ខ្ពស់ទាំងចំណេះ គួរឲ្យសរសើរ
បវរកញ្ញាកូរ៉េ ២០១៤ បានទាំងសម្រស់ ខ្ពស់ទាំងចំណេះ គួរឲ្យសរសើរ
និស្សិតស្រី ស្រស់ស្អាតម្នាក់មកពីសាកលវិទ្យាល័យ Ewha Womans ក្នុងទីក្រុងសេអ៊ូលប្រទេសកូរ៉េបានពាក់មកុដជ័យលាភីបវរកញ្ញាឯក លេខ១នៅវគ្គបញ្ចប់ក្នុងកម្មវិធីប្រលងបវរកញ្ញាកូរ៉េ Miss Korea 2014 ដោយក្ដីរំភើប។Kim Seo-yeon មានវ័យ២២ឆ្នាំកម្ពស់ ១៧២,៨ស.ម និងទម្ងន់ ៥២,៤គ.ក និងជានិស្សិតផ្នែកគ្រប់គ្រងពាណិជ្ជកម្ម នៅសាកលវិទ្យាល័យ Ewha Womansបានចូលរួមប្រកួតប្រលងបវរកញ្ញា Miss Korea 2014 ដែលជាកម្មវិធីប្រលងជ្រើសរើសបវរកញ្ញាឯកកូរ៉េហើយមានការជម្រុះជា ច្រើនវគ្គនិងដាក់ពិន្ទុយ៉ាងតឹងតែងដល់បេក្ខនារីចំនួន៥០នាក់នៅ វគ្គចុងក្រោយនៃការប្រកួត។ កម្មវិធីនេះបានប្រារព្ធនៅ Olympic Hall ក្នុងភាគអាគ្នេយ៍ក្រុងសេអ៊ូលប្រទេសកូរ៉េ ដែលមានសមាជិកក្រុមរបស់ Girls-generation “Sooyoung” បានធ្វើជាពិធីករប្រកាសលទ្ធផលជាមួយ Oh Sang Jin។
នៅពេលទទួល ជ័យជម្នះនាងបានសម្ដែងនូវការដឹងគុណទាំងក្ដីរំភើបចំពោះគ្រួសារ ទាំងមូលនិងគណៈកម្មការរៀបចំរបស់នាងផ្ទាល់ដែលបានគាំទ្រនិងផ្តល់ កម្លាំងចិត្ដឲ្យនាងតាំងពីវគ្គដំបូងរហូតដល់ចប់ការប្រកួត។
បវរកញ្ញាកូរ៉េរូបនេះនឹងមានមុខឡើងទៅប្រកួតតំណាងឲ្យប្រទេសរបស់នាងក្នុងកម្មវិធី Miss Universe ចុងឆ្នាំ ២០១៤នេះ៕
No comments:
Post a Comment