៤ ​ចំណុច​​ Galaxy Tab S​ ​មាន​តែ​​ iPad​ គ្មាន​

៤ ​ចំណុច​​ Galaxy Tab S​ ​មាន​តែ​​ iPad​ គ្មាន​

Samsung និង​ Apple គឺ​ជា​ក្រុមហ៊ុន​ធំ​ៗ​ដែល​នាំ​មុខ​គេ​ខាង​បច្ចេកវិទ្យា Smart Device។ ក្រុមហ៊ុន​យក្ស​ទាំង​ពីរ​នេះ​តែង​តែ​ផលិត​ Smartphone ប្រកួត​ប្រជែង​គ្នា​ទៅ​វិញ​ទៅ​មក​មិន​សំចៃ​​ដៃ។

ជាក់ ​ស្ដែង​ Samsung មាន​ Galaxy Tab S ដែល​ទើប​តែ​ដាក់​លក់​ថ្មីៗ​នេះ រីឯ​ Apple វិញ​មាន iPad ។ Galaxy Tab S និង iPad សុទ្ធ​តែ​មាន​សមត្ថភាព​មិន​ធម្មតា តែ​​​មាន​រឿង​ខ្លះ​ដែល​ Galaxy Tab S ធ្វើ​បាន​ ខណៈ​ដែល iPad ធ្វើ​មិន​កើត។ តើ​មាន​អ្វី​ខ្លះ​ដែល Galaxy Tab S ធ្វើ​បាន​ហើយ​ iPad ធ្វើ​អត់​បាន​នោះ?

ទី១៖ អ្នក​ប្រើ​ប្រាស់​អាច​ប្រើ​ Fingerprint ដើម្បី​បញ្ជា​ទិញ​​ App លើ​ Play Store​ តែ iPad អត់មាន

Galaxy Tab S ភ្ជាប់​មក​ជាមួយ​នូវ​កម្ម​វិធី​ស្កេន​ក្រយៅ​ដៃ​(Fingerprint) ដែល​ iPad គ្មាន។ ដោយ​សារ​តែ​ Samsung បាន​សហការ​ជាមួយ PayPal អ្នក​ប្រើ​ប្រាស់​​អាច​បញ្ជា​ទិញ​ទំនិញ​ដោយ​គ្រាន់​តែ​ប្រើ​ក្រយៅ​ដៃ​មិន​ ចាំ​បាច់​វាយ​ Password ទេ។

ទី២៖ Multi-Windows Mode របស់​ Galaxy Tab S អាច​ឲ្យ​អ្នក​ប្រើ​ប្រាស់​មើល​កម្មវិធី​ពីរ​ក្នុង​ពេល​តែ​មួយ ចុះ​ iPad?

​ Galaxy Tab Sអាច​ឲ្យ​អ្នក​ប្រើ​ប្រាស់​បើក​កម្ម​វិធី​ពីរ​ក្នុង​ពេល​តែ​មួយ (Multi-Windows Mode)។ ឧទាហរណ៍​យើង​អាច​បើក​ឬ​មើល​រូបថត ​និង​​វីដេអូ​នៅ​លើ​អេក្រង់​តែ​មួយ​ដោយ​មិន​មាន​បញ្ហា។

ទី៣៖ អ្នក​ប្រើ​ប្រាស់​អាច​បញ្ជា​ Smartphone យ៉ាង​ងាយ​ស្រួល​គ្រាន់​តែ​ប្រើ Galaxy Tab S

Galaxy Tab S មាន​កម្ម​វិធី SideSync​​​​ ងាយ​ស្រួល​ក្នុង​ការ​បញ្ជូន​ទិន្នន័យ ឬ ដំឡើង​កម្មវិធី​ផ្សេង​ៗ​ទៅ​ក្នុង​ Smartphone ដូចជា​ ​Galaxy S4, Galaxy S5 រឺ Galaxy Note 3។ ជាពិសេស​នៅ​ពេល​យើង​ចង់​ហៅ​ចេញ​ចូល​ទៅកាន់ ឬ​ក៏​ទទួល​ទូរសព្ទ​នរណា​ម្នាក់​បាន​យ៉ាង​ងាយ​ស្រួល​ដោយ​គ្រាន់​តែ​ប្រើ Galaxy Tab S ជំនួស។

ទី៤៖​ យើង​​អាច​កំណត់​​ឲ្យ​វីដេអូ​ស្កុប​ (Pause) នៅ​ពេល​ភ្នែក​របស់​យើង​ងាក​ចេញ​ពី​ស្ក្រីន

ដោយ ​មាន​កម្ម​វិធី Smart Stay នៅ​ក្នុង Galaxy Tab S យើង​អាច​កំណត់​ឲ្យ​វីដេអូ​ឲ្យ​ស្កុប (Pause)​ដោយ​ស្វ័យ​ប្រវត្តិ​​នៅ​ពេល​ភ្នែក​របស់​យើង​មិន​បាន​មើល​ទៅ​​ ស្រ្កីន Tablet។​​​​​​​

ម៉េច​ដែរ? ​ប៉ុណ្ណឹង​អាច​និយាយ​ថា​ Galaxy Tab S ខ្លាំង​ជាង​ iPad អត់?

​
ប្រែ​សម្រួល​៖​ ប៉ែត​​ ផាន់និត