ព័ត៌មានពិសេស
ជំនួបថ្នាក់ដឹកនាំបក្សទាំង២ បក្សប្រជាជនកម្ពុជា និងសង្គ្រោះជាតិឯកភាពដោះស្រាយបញ្ចប់បញ្ហានយោបាយ
ថ្ងៃអង្គារ ទី២២ ខែកក្កដា ឆ្នាំ២០១៤ ម៉ោង ០៧:៤០
រាជធានីភ្នំពេញ ៖ ទីបំផុត
ថ្នាក់ដឹកនាំកំពូលរបស់គណបក្សប្រជាជនកម្ពុជា
និងគណបក្សសង្គ្រោះជាតិ
បានសម្រេចជួបពិភាក្សាគ្នាដោយផ្ទាល់មាត់ដើម្បីដោះស្រាយវិបត្តិ
នយោបាយដែលកំពុងជាប់គាំងចាប់តាំងពីក្រោយថ្ងៃបោះឆ្នោតជ្រើសតាំង
តំណាងរាស្ត្រនីតិកាលទី៥ មកគឺជិតគម្រប់ខួបមួយឆ្នាំ
ហើយដែលសល់ពេលមិនបានមួយសប្តាហ៍ទៀតផងនោះ ។
ការសម្រេចជួបពិភាក្សាគ្នារវាង
ថ្នាក់ដឹកនាំគណបក្សជាប់ឆ្នោតទាំងពីរនេះ
ធ្វើឡើងដោយមានសេចក្តីប្រកាសព័ត៌មានរួមគ្នាមួយកាលពីយប់
ថ្ងៃទី២០ កក្កដា
ដែលសេចក្តីប្រកាសរួមនោះបោះត្រាគណបក្សប្រជាជនកម្ពុជានិងគណ
បក្សសង្គ្រោះជាតិ ។
ក្នុងសេចក្តីប្រកាសព័ត៌មានរួមគ្នាបានលើកឡើងថា
ក្នុងស្មារតីបង្រួបបង្រួមជាតិ ផ្សះផ្សាជាតិ និងឯកភាពជាតិ
ដោយឈរលើគោលការណ៍ផលប្រយោជន៍ដ៏ឧត្តុង្គឧត្តមរបស់ប្រទេសជាតិ
និងប្រជារាស្ត្រគណបក្សប្រជាជនកម្ពុជា និងគណបក្សសង្គ្រោះជាតិ
បានឯកភាពគ្នាដោះស្រាយបញ្ចប់នយោបាយនៅកម្ពុជា ។
សេចក្តីប្រកាសរួមបញ្ជក់ថា«គណបក្សប្រជាជន
កម្ពុជា និងគណបក្សសង្គ្រោះជាតិ
បានឯកភាពគ្នាដោះស្រាយបញ្ចប់វិបត្តិនយោបាយដែលកើតមានក្រោយ
ការបោះឆ្នោតជ្រើសតាំងតំណាងរាស្ត្រ នីតិកាលទី៥
នៃរដ្ឋសភានាថ្ងៃទី២៨ កក្កដា ឆ្នាំ២០១៣
រហូតដល់បច្ចុប្បន្ននេះ
ដោយផ្អែកលើមូលដ្ឋាននៃការព្រមព្រៀងគ្នាជាគោលការណ៍រវាងសម្តេច
តេជោនាយករដ្ឋមន្ត្រី ហ៊ុន សែន និងលោក សម រង្ស៊ី
កាលពីថ្ងៃទី៩ ខែមេសា ឆ្នាំ២០១៤ ។ ក្នុងនាមស្មារតីខាងលើនេះ
គណបក្សទាំងពីរបានព្រមព្រៀងគ្នារៀបចំឲ្យមានជំនួបកំពូលរវាង
ថ្នាក់ដឹកនាំនៃគណបក្សទាំងពីរ ដែលប្រព្រឹត្តទៅនៅថ្ងៃទី២២
ខែកក្កដា ឆ្នាំ២០១៤ វេលាម៉ោង៩ព្រឹក នៅវិមានព្រឹទ្ធសភា
ដើម្បីពិភាក្សាលម្អិតរកដំណោះស្រាយនយោបាយរួមឈានទៅបញ្ចប់សភា
ពការណ៍តានតឹងបច្ចុប្បន្ន ។
មន្ត្រីអ្នកនាំពាក្យគណបក្សសង្គ្រោះជាតិលោក
យ៉ែម បុញ្ញឫទ្ធិ បានឲ្យកោះសន្តិភាពដឹង
តាមទូរស័ព្ទនាព្រឹកថ្ងៃទី២១ កក្កដា ថា
គណបក្សសង្គ្រោះជាតិនៅតែប្រកាន់គោលជំហរ
ដោះស្រាយបញ្ហានយោបាយដោយសន្តិវិធីដូចអ្វីដែលគណបក្សសង្គ្រោះជាតិ
ធ្វើកន្លងមក
គឺមិនដូចអ្វីដែលគណបក្សប្រជាជនកម្ពុជាកំពុងធ្វើនោះទេ ។
ទោះជាយ៉ាងណាក្តី
មន្ត្រីអ្នកនាំពាក្យរូបនេះមិនបានបញ្ជាក់ឱ្យដឹងពីសមាសភាពដែល
ចូលរួមពិភាក្សានៅថ្ងៃទី២២ កក្កដា នោះទេ គ្រាន់តែថា
មានដូចអ្វីដែលគណបក្សទាំងពីរបានប្រកាសរួមកាលពីយប់ថ្ងៃទី២០
កក្កដា ។
ចំពោះសំណួរថា
តើជំនួបថ្នាក់ដឹកនាំកំពូលរវាងគណបក្សប្រជាជនកម្ពុជា
និងគណបក្សសង្គ្រោះជាតិ
នឹងលើកយកប្រធានបទអ្វីខ្លះសម្រាប់ដាក់លើតុពិភាក្សាគ្នានៅ
ថ្ងៃទី២២ កក្កដានេះ ?
ហើយសមាសភាពដែលចូលរួមពិភាក្សាមានចំនួនប៉ុន្មាននាក់ដែរ ? លោក
យ៉ែម បុញ្ញឫទ្ធិ ថ្លែងថា យើងមិនទាន់ដឹងពីសមាសភាព
និងប្រធានបទដែលនឹងត្រូវលើកឡើងក្នុងកិច្ចពិភាក្សានោះទេ
។ ចំពោះសំណួរថា
តើការពិភាក្សាគ្នានោះនឹងមានការស្នើសុំឲ្យមានការដោះលែង
តំណាងរាស្ត្រ
និងសកម្មជនទាំង៨រូបដែលកំពុងជាប់ឃុំខ្លួននៅពន្ធនាគារព្រៃ
សទៅគណបក្សប្រជាជនកម្ពុជាទេ ?
លោក យ៉ែម បុញ្ញឫទ្ធិ ថ្លែងថា
ខ្ញុំមិនទាន់ដឹងពីព័ត៌មានទាំងនោះទេ
ព្រោះថាថ្នាក់ដឹកនាំកំពូលជាអ្នកជជែកពិភាក្សា ។
ទោះជាយ៉ាងណាក្តី លោក យ៉ែម បុញ្ញឫទ្ធិ បានបញ្ជាក់ថា
អ្វីដែលសំខាន់សម្រាប់ការលើកឡើងក្នុងការពិភាក្សាគ្នាជាមួយ
គណបក្សប្រជាជននោះ គឺពិភាក្សាលម្អិតរកដំណោះស្រាយ
និងបញ្ចប់វិបត្តិនយោបាយនៅកម្ពុជា ក្រោយថ្ងៃបោះឆ្នោត២៨
កក្កដា ២០១៣ ។ មន្ត្រីអ្នកនាំពាក្យរូបនេះក៏មានសង្ឃឹមថា
ជំនួបពិភាក្សារវាងគណបក្សទាំងពីរនឹងទទួលបានលទ្ធផលល្អ
និងអាចបញ្ចប់វិបត្តិនយោបាយនៅកម្ពុជាបានឆាប់ ។
ចំណែកលោក កឹម សុខា
បានបង្ហើបឲ្យដឹងតាមគេហទំព័រហ្វេសប៊ុកផ្ទាល់របស់លោកមុនមាន
ជំនួបពិភាក្សាថ្ងៃទី២២ កក្កដា
ដោយលើកយករូបមន្តថ្មីក្នុងការដោះស្រាយវិបត្តិនយោបាយដែលគណ
បក្សសង្គ្រោះជាតិចង់ដាក់លើតុគឺសមាសភាពគណៈកម្មការជាតិ
រៀបចំការបោះឆ្នោត(គ.ជ.ប) ៩រូប
ត្រូវមកពីគណបក្សនយោបាយជាប់ឆ្នោតទាំងពីរម្ខាង៣រូប
និងសង្គមស៊ីវិល៣រូបគឺតាមរូបមន្ត៣-៣-៣ ។
គេហទំព័រហ្វេសប៊ុករបស់លោក កឹម សុខា បានសរសេរថា
«រូបមន្តថ្មីក្នុងការដោះស្រាយវិបត្តិនយោបាយដែលគណបក្សសង្គ្រោះ
ជាតិចង់ដាក់លើតុពិភាក្សាគឺក្នុងចំណោមសមាសភាព គ.ជ.ប ៩រូប
យ៉ាងហោចបំផុតយើងស្នើឲ្យមានសង្គមស៊ីវិល៣រូប
គណបក្សប្រជាជនកម្ពុជាស្នើ៣រូប
និងគណបក្សសង្គ្រោះជាតិស្នើ៣រូប» ។
ជាមួយនឹងការលើកឡើងនូវរូបមន្តថ្មីនេះ លោក
កឹម សុខា បញ្ជាក់ថា
«ដើម្បីបញ្ចប់វប្បធម៌ទឹកឡើងត្រីស៊ីស្រមោច
ទឹកហោចស្រមោចស៊ីត្រី ខ្ញុំយល់ថា
ឈប់គុំកួនគ្នាកុំយកខ្មែរណាជាសត្រូវ!
ប៉ុន្តែអ្នកមានអំណាចច្រើនសូមកុំបង្កើនការឈឺចាប់ដល់អ្នកមានអំណាច
តិច ។ សូមចាប់ផ្ដើមបន្ថយការឈឺចាប់ កុំអាងខ្លួនមានអំណាច
មានកាំភ្លើង មានតុលាការ ចាប់អ្នកណាដាក់គុកក៏បានស្រេចតែចិត្ត
។ ដូច្នេះ សូមចាប់ផ្ដើមធ្វើអំពើល្អ
កុំបង្កើនការឈឺចាប់ឲ្យអ្នកដទៃ» ។
គួររំឭកថា
ថ្នាក់ដឹកនាំកំពូលរបស់គណបក្សទាំងពីរ
បានជួបពិភាក្សាគ្នាដោយផ្ទាល់នៅវិមានរដ្ឋសភា កាលពីថ្ងៃទី១៦
ខែកញ្ញា ឆ្នាំ២០១៣ កន្លងមក
និងបានចេញសេចក្តីប្រកាសរួមមួយហើយនៅថ្ងៃទី១៧កញ្ញា
ឆ្នាំដដែលថ្នាក់ដឹកនាំគណបក្សទាំងពីក៏បន្តពិភាក្សាគ្នាទៀត
ប៉ុន្តែមិនបានចេញសេចក្តីប្រកាសរួមទេ ។
បញ្ហានោះបានធ្វើឱ្យនយោបាយនៅកម្ពុជាបន្តជាប់គាំង
តែទោះជាយ៉ាងណាក្តី
រាជរដ្ឋាភិបាលដែលកំពុងដឹកនាំរដ្ឋាភិបាល
និងរដ្ឋសភានៅតែដំណើរការជាធម្មតា
ចំណែកគណបក្សសង្គ្រោះជាតិប្រកាន់ជំហរមិនចូលរួមប្រជុំសភាជាមួយ
គណបក្សប្រជាជនកម្ពុជារហូតមក ។ ប៉ុន្តែមកដល់ថ្ងៃទី៩ ខែមេសា
ឆ្នាំ២០១៤ សម្តេចតេជោនាយករដ្ឋមន្ត្រី ហ៊ុន សែន និងលោក សម
រង្ស៊ី ប្រធានគណបកសង្គ្រោះជាតិ
បានធ្វើកិច្ចសន្ទនាគ្នាតាមរយៈទូរស័ព្ទរយៈពេលជាង៤០នាទី
ដោយផ្តោតទៅលើ ៖
១-ពេលវេលានៃការបោះឆ្នោតសម្រាប់ការបោះ
ឆ្នោតជាតិ និងក្រុមប្រឹក្សាឃុំសង្កាត់ ។ ២-
កំណែទម្រង់គណៈកម្មាធិការជាតិរៀបចំការបោះឆ្នោត(គ.ជ.ប)
និងការកែទម្រង់ប្រព័ន្ធផ្សព្វផ្សាយ ប៉ុន្តែលោក សម រង្ស៊ី
បានស្នើសុំពេលពិភាក្សាជាមួយលោក កឹម សុខា
ដែលជាអនុប្រធានគណបក្សសិន ។ ស្របពេលនោះដែរសម្តេចតេជោ ហ៊ុន សែន
ជឿជាក់ថា បញ្ហានយោបាយនឹងបានបញ្ចប់មុនថ្ងៃចូលឆ្នាំខ្មែរ ។
ក្រោយពីពិភាក្សាគ្នារួច លោក សម រង្ស៊ី
បានធ្វើសន្នីសីទសារព័ត៌មានមួយដោយប្រកាសថា
លោកពិតជាបានសន្ទនាជាមួយសម្តេចតេជោ ហ៊ុន សែន ប្រាកដមែន
និងលើកឡើងថាលទ្ធផលដែលលោកជជែកជាមួយសម្តេច
នាយករដ្ឋមន្ត្រីទទួលបានលទ្ធផលប្រមាណ៨០%
គឺសល់តែប្រមាណ២០%ប៉ុណ្ណោះ ។ ទោះជាយ៉ាងណាក្តី លោក សម
រង្ស៊ី ប្រកាន់ជំហរថាមិនទាន់ឯកភាពជាផ្លូវការនៅឡើយទេ
ដោយលោកថា ត្រូវតែមានការពិភាក្សជាមួយលោក កឹម សុខា
ព្រោះរូបលោក និងលោក កឹម សុខា ជាមនុស្សតែមួយ
រាល់កិច្ចការនិងចុះហត្ថលេខាអ្វីមួយ
ត្រូវមានវត្តមានវត្តទាំងពីរនាក់ ។
ពេលនោះលោក កឹម សុខា ស្ថិតនៅសហរដ្ឋអាមេរិក
។ កាលពីថ្ងៃទី១២ មិថុនា ឆ្នាំ២០១៤
ក្រុមការងារចរចាគណបក្សប្រជាជនកម្ពុជានិងគណបក្សសង្គ្រោះជាតិ
ដែលមានសមាសភាពម្ខាង៣រូប ដឹកនាំដោយលោក ព្រុំ សុខា
និងលោកគួយប៊ុនរឿន
បានជួបប្រជុំចរចាលើកចុងក្រោយនៅវិមានព្រឹទ្ធសភា
ដើម្បីជជែកលើសេចក្តីព្រាងលម្អិតទាក់ទងនឹងកំណែទម្រង់ការបោះ
ឆ្នោត គឺការដាក់ស្ថាប័ន គ.ជ.ប ក្នុងរដ្ឋធម្មនុញ្ញ
ព្រមទាំងពិភាក្សាលើការផ្តល់អាជ្ញាប័ណ្ណទូរទស្សន៍និងវិទ្យុដល់គណ
បក្សប្រឆាំង ។
ប៉ុន្តែក្រុមចរចាទាំងពីរបានខ្វែងគំនិតគ្នាលើកំណែទម្រង់ការបោះ
ឆ្នោត នៅត្រង់នីតិវិធីជ្រើសរើសសមាជិក គ.ជ.ប
ដែលគណបក្សប្រជាជនកម្ពុជា ចង់បានការជ្រើសរើសសមាជិក គ.ជ.ប
ដោយសំឡេងភាគច្រើនដាច់ខាត ឬ៥០%បូក
១នៃចំនួនសមាជិករដ្ឋសភាសរុប១២៣រូប ។
រីឯគណបក្សសង្គ្រោះជាតិចង់បានតាមសំឡេង២
ភាគ៣នៃសមាជិករដ្ឋសភាទាំងមូល ។
ការបោះឆ្នោតជ្រើសតាំងសមាជិករដ្ឋសភានីតិកាល
ទី៥ កាលពីថ្ងៃទី២៨ ខែកក្កដា ឆ្នាំ២០១៣
មកដល់ពេលនេះមានរយៈពេលជិតមួយឆ្នាំហើយ
ដោយគណបក្សប្រជាជនកម្ពុជាទទួលបានអាសនៈចំនួន៦៨
និងគណបក្សសង្គ្រោះជាតិទទួលបាន៥៥អាសនៈ ។
ប៉ុន្តែលទ្ធផលនេះធ្វើឱ្យគណបក្សសង្គ្រោះជាតិមិនព្រម
ចូលប្រជុំសភាដោយធ្វើពហិការរហូតមកដល់ពេលនេះ
ក្រោមការលើកហេតុផលជុំវិញលទ្ធផលនៃការបោះឆ្នោតនោះ ។
ការ ជួបពិភាក្សារវាងថ្នាក់ដឹកនាំគណបក្សទាំង២ នៅថ្ងៃនេះ(២២ កក្កដា ) បានកើតឡើងភ្លាមៗខណៈស្ថានការណ៍នយោបាយបានឡើងកម្ដៅក្រោយ ពេលមានការចាប់ខ្លួនអ្នកតំណាងរាស្ត្រជាប់ឆ្នោតគណបក្ស សង្គ្រោះជាតិនិងសកម្មជនគណបក្សនេះ បន្ទាប់ពីមានការប៉ះទង្គិចគ្នាដោយហិង្សាមួយនៅក្បែរទីលាន ប្រជាធិបតេយ្យកាលពីថ្ងៃទី១៥ កក្កដា ។ ក្នុងហេតុការណ៍នេះធ្វើឱ្យមានអ្នករងរបួសធ្ងន់ស្រាលប្រមាណ ជាង៥០នាក់ ក្នុងនោះក្រុមសន្ដិសុខខណ្ឌដូនពេញ៣៨នាក់រងរបួសធ្ងន់ និងស្រាល ក្នុងការប៉ះទង្គិចគ្នាជាមួយក្រុមអ្នកគាំទ្រគណបក្សស ង្គ្រោះជាតិដែលបានទាមទារឱ្យមានការបើកទីលានប្រជាធិបតេយ្យ ឡើងវិញដឹកនាំដោយលោកស្រីមូរ សុខហួរ និងតំណាងរាស្ត្រមួយចំនួនទៀត ។
ការ ជួបពិភាក្សារវាងថ្នាក់ដឹកនាំគណបក្សទាំង២ នៅថ្ងៃនេះ(២២ កក្កដា ) បានកើតឡើងភ្លាមៗខណៈស្ថានការណ៍នយោបាយបានឡើងកម្ដៅក្រោយ ពេលមានការចាប់ខ្លួនអ្នកតំណាងរាស្ត្រជាប់ឆ្នោតគណបក្ស សង្គ្រោះជាតិនិងសកម្មជនគណបក្សនេះ បន្ទាប់ពីមានការប៉ះទង្គិចគ្នាដោយហិង្សាមួយនៅក្បែរទីលាន ប្រជាធិបតេយ្យកាលពីថ្ងៃទី១៥ កក្កដា ។ ក្នុងហេតុការណ៍នេះធ្វើឱ្យមានអ្នករងរបួសធ្ងន់ស្រាលប្រមាណ ជាង៥០នាក់ ក្នុងនោះក្រុមសន្ដិសុខខណ្ឌដូនពេញ៣៨នាក់រងរបួសធ្ងន់ និងស្រាល ក្នុងការប៉ះទង្គិចគ្នាជាមួយក្រុមអ្នកគាំទ្រគណបក្សស ង្គ្រោះជាតិដែលបានទាមទារឱ្យមានការបើកទីលានប្រជាធិបតេយ្យ ឡើងវិញដឹកនាំដោយលោកស្រីមូរ សុខហួរ និងតំណាងរាស្ត្រមួយចំនួនទៀត ។
អ្នកវិភាគនិយាយថា ជំនួបរវាងសម្ដេចតេជោ
ហ៊ុន សែន និងលោក សម រង្សុី ដើម្បីដោះស្រាយបញ្ហានយោបាយរួម
បើមានលទ្ធផលល្អដែលអាចទទួលយកបានទាំងសងខាងនោះ
គឺប្រៀបដូចជាក្រោយភ្លៀងមេឃស្រឡះល្អមិនខាន ៕
ម៉ោង៤និង៤៥នាទីរសៀលនេះ បេក្ខជនជាប់ឆ្នោតតំណាងរាស្រ្តនិងសកម្មជន CNRP ត្រូវបានដោះលែងហើយ
ថ្ងៃអង្គារ ទី២២ ខែកក្កដា ឆ្នាំ២០១៤ ម៉ោង ១៦:៤៥
កោះសន្តិភាព
រាជធានីភ្នំពេញ ៖
បើតាមអ្នកឆ្លើយឆ្លងព័ត៌មានកោះសន្តិភាពបានឲ្យដឹងថា
ក្រុមបេក្ខជនជាប់ឆ្នោតតំណាងរាស្រ្ត និងសកម្មជនCNRP
បានត្រូវដោះលែងពីពន្ឋនាគារព្រៃសហើយនៅម់ៅង៤និង៤៥នាទីរសៀលថ្ងៃទី២២
កក្កដា ២០១៤នេះ ។ សេចក្តីរាយការណ៏បានបន្តថា
នៅពេលនេះមន្រ្តីជាន់ខ្ពស់គណបក្សសង្គ្រោះជាតិ និង
សកម្មជនព្រមទំាងអ្នកគំាទ្របក្សប្រឆាំងជាច្រើននាក់
បាននិងស្វាគមន៏អបអរសាទរនូវការដោះលែងក្រុមបេក្ខជនជាប់ឆ្នោតតំណាងរាស្រ្ត
និងសកម្មជនCNRP
ចំណែកអ្នកកាសែតជាតិនិងអន្តរជាតិជាច្រើននាក់ក៏បាននិងកំពុង
ផ្តិតយកទិដ្ឋភាពនេះដែរ ។
ព័ត៌មានលម្អិតនឹងមានផ្សាយជូននៅលើសារព័ត៌មានកោះសន្តិភាព ៕
លោក កឹម សុខា នឹងត្រូវកាន់តំណែងជាអនុប្រធានទី១រដ្ឋសភា
ថ្ងៃអង្គារ ទី២២ ខែកក្កដា ឆ្នាំ២០១៤ ម៉ោង ១៦:៥៧
រាជធានីភ្នំពេញ ៖
ប្រភពពីមន្រ្តីគណបក្សសង្គ្រោះជាតិបានបង្ហើបឲ្យដឹងថា
យោងតាមការសម្រេចរបស់គណបក្សសង្គ្រោះជាតិអំឡុងពេលឃោសនាកន្លងមក លោក កឹម
សុខា អនុប្រធានគណបក្សសង្គ្រោះជាតិ នឹងត្រូវឡើងកាន់តំណែងជាអនុប្រធានទី១
រដ្ឋសភា ។
បើតាមមន្រ្តីដដែលក៏បានបញ្ជាក់ទៀតថា
ក្រុមបេក្ខជនជាប់ឆ្នោតតំណាងរាស្រ្តគណបក្សសង្គ្រោះជាតិ
នឹងត្រូវចូលគាល់ព្រះមហាក្សត្រនៅក្នុងព្រះបរមរាជវំាងនៅថ្ងៃទី២៤ កក្កដា
២០១៤ ប៉ុន្តែគណបក្សមិនទាន់កំណត់ថានឹងយកថ្ងៃណាពិតបា្រកដ
ដើម្បីចូលស្បថឡើងកាន់តំណែងនៅឡើយទេ ៕
No comments:
Post a Comment